Tolosako gazte asanbladak oso argi dauka jarritako helburuak lortu arte ez duela etsiko. Edonork eskura duen proiektua daukagu, herriarentzat onuragarria den proposamena, gazteria aktibatu eta herri dinamika ezberdinak martxan jarriko dituena.

            Asanbladak esku artean duen proiektua aurrera eramateko gunea Euskal Herri plazako lokala dela ikusten dugu, espazio eta kokapen aldetik guretzat ezin hobea delako. Argi dugu bertako ordutegiak bizilagunekin adostuak izango direla.

Udalak ordea,LKS enpresa kontratatu du orain dela gutxi, taberna eta ostalaritza proiektu bat garatu dezan. Beraz, proiektua enpresa batek garatuko luke, ondoren, lokala beste enpresa pribatu baten esku uzteko. Honen aldean, gure proiektua askoz herritarragoa dela nabarmentzen dugu, gazteok gazteontzat egina.

            Lotsagarria da gure proeiktua kontutan hartu ez eta berriz ere joku zikina erabiliz gure ametsak zapuzteko saiakera hau.

            Honegatik gerturatze gara zuengana denok aho batez mezu bat zabaltzeko asmoz:

 NIK ERGILE EDO NORBANAKO BEZELA TOLOSAKO GAZTE ASANBLADAK EUSKAL HERRI PLAZAKO ERAIKINEAN DUEN PROIEKTUA EZ OZTOPATZEA EXIJITZEN DIOT UDALETXEARI.