2017 წლის 3 მარტს ინტერნეტ სივრცეში გავრცელებული ინფორმაციით, ქ.გორში, სამხატვრო სკოლის მიმდებარე ტერიტორიაზე ნაპოვნი იქნა სასტიკად ნაცემი ძაღლი. თვითმხილველის ცნობით, ტომარაში გახვეული ძაღლი ჩაგდებული იყო სანაგვე ურნაში. ცხოველი გადაყვანილ იქნა თავშესაფარში გარკვეული პროცედურების ჩატარების მიზნით, თუმცა მისი გადარჩენა ვერ მოხერხდა.

სამოქალაქო საზოგადოების მოთხოვნაა დაიწყოს გამოძიება და სისხლისსამართლებრივი დევნა ზემოაღნიშნული ქმედების ჩამდენი პირის/პირების მიმართ, რადგან  ის შეიცავს საქართველოს სისხლის სამართლის კოდექსის 259–ე მუხლით გათვალისწინებული დანაშაულის –,,ცხოველისადმი სასტიკი მოპყრობის" ნიშნებს. ამასთან, მიგვაჩია რომ დამნაშავე უნდა დაისაჯოს კანონის მთელი სიმკაცრით.