Ние, граѓаните на Свети Николе сме против изградба на регионална депонија во општината која брои преку 5000 регистрирани земјоделци кои егзистираат и произведуваат храна на земјоделска површина од 11000 хектари. Стоп за изградба на регионална депонија во најчистиот дел на овчеполието каде се произведува строго органска храна и која се извезува во Европската унија. Стоп за манипулирање на граѓаните и недоволно информирање во врска со депонијата. Граѓаните на Свети Николе не прифаќаат депонија за 18 општини од Североисточниот и источниот плански регион. Свети Николе не е експериментално подрачје и не припаѓа ниту во Североисточниот ниту во Источниот плански регион, туку во Вардарскиот. Стоп за регионална депонија која освен што ќе го уништи најчистиот предел, ќе го уништи и загрозениот вид на птици кои живеат во тој предел - кралски орли. СТОП ЗА РЕГИОНАЛНА ДЕПОНИЈА ВО СВЕТИ НИКОЛЕ!