Por un ferrocarril que responda ás necesidades das galegas e galegos

O ferrocarril debería o transporte do futuro. Nun momento no que cómpre apostar pola transición enerxética e a mobilidade verde, vemos como os distintos gobernos do estado continúan a desmantelar os poucos servizos de ferrocarril que operan en Lugo. 

A chegada do AVE a Galiza só supuxo que sexa máis rápido ir en tren de Lugo a Madrid que de Lugo a Compostela. Mentres, as veciñas e veciños de Lugo contamos cada vez con menos trens, máis vellos, con máis avarías e menos horarios, mentres que os prezos da viaxe non deixaron de aumentar. 

Temos unha infraestrutura propia do século XIX: maquinaria antiga, vía sen electrificar e con menos sistemas de seguridade que os marcados polos actuais estándares internacionais

As asinantes deste documento demandamos do Ministerio de Transportes, Mobilidade e Axenda Urbana as seguintes melloras:

A modernización da liña que comunica Lugo coa Coruña
A conexión directa en ferrocarril entre as cidades de Lugo e Compostela
A recuperación inmediata de todos os servizos ferroviarios eliminados nos últimos anos