Os Axentes forestais da Xunta de Galicia levamos dende o 1 de agosto en folga indefinida para esixir un novo acordo laboral digno, caducado hai máis de 10 anos, sobre as nosas condicións de traballo co cal poder exercer as nosas funcións dun xeito adecuado e dar un servizo público e de calidade para a cidadanía. Ademais demandamos maior dinamización e apoio ás CMVMC, a aposta seria da xestión pública dos montes, do mantemento da superficie agraria útil, e unha ordenación do territorio responsable que sume protección e valorización do noso patrimonio natural. Por último, pedimos un cambio rotundo nas políticas de prevención e extinción de incendios forestais.