A fachada marítima do Porto de Santa Cruz é un dos espazos máis singulares do Concello de Oleiros. As vistas ao castelo, á cidade da Coruña, á desembocadura da ría... convértena nun importante punto de interese social e turístico, sendo un motor económico para o concello e fonte de lecer de visitantes e residentes.

A demolición do antigo hotel Maxi amosou unha riqueza que levaba moitos anos oculta, e que agora quérennos quitar de novo. As modificacións urbanísticas aprobadas recentemente facilitarán a construción dun enorme edificion que privará ao pobo dunha das súas meirandes riquezas.