Casa Benedicto, a antiga xastrería de Navia de Suarna ubicada no corazón do casco histórico, leva máis dun século sendo testemuña do decorrer cotiá da capital dos Ancares.

Hoxe, o edificio modernista máis emblemático de Navia e que atrae as olladas e flashes de todos os visitantes, vese ameazado de morte pola piqueta, pois o titular da propiedade, o concello de Navia de Suarna, pretende derrubalo para ampliar a praza que rodea e gañar tres ou catro prazas de estacionamento. Como o oes.

Por desgraza, cóntanse por centos os exemplos de valiosa arquitectura destruída ó longo de todo o territorio. Nomeadamente por intereses especulativos ou por decisións urbanísticas que condenaron sen remedio boa parte do noso patrimonio e que agora lamentamos de xeito xeralizado.

Non podemos permitir que CASA BENEDICTO pase a formar parte dese dramático e vergoñento Arquivo Fotógráfico que constitúe todo o patrimonio perdido da nosa historia recente.

ASINA ESTA PETICIÓN PARA PEDIRLLE AO CONCELLO DE NAVIA DE SUARNA E Á DIRECCIÓN XERAL DE PATRIMONIO DA XUNTA A CATALOGACIÓN DESTE EDIFICIO MODERNISTA E A SÚA REHABILITACIÓN PARA USO PÚBLICO

NON AO DERRUBE!!

#SalvemosCasaBenedicto