Intervistë për Nënë Terezën dhe Rrugën e Arbërit

Përshëndetje Miq dhe Kolegë, Sot u botua në gazetën SHEKULLI intervista për Nënë Terezën që zhvillova me z. Erald Deliu: http://www.shekulli.com.al/web/p.php?id=59941&kat=104 Disa nga çështjet që trajtohen në këtë intervistë përfshijnë: kur filloi interesimi im si studiues për figurën e Nënë Tërezës, disa nga arsyet përse Sllavo-Maqedonasit nuk duan ta pranojnë origjinën shqiptare të Nënë Terezës, përse është e domosdoshme që Nënë Terezën ta ‘ndajmë’ dhe jo ta përvetësojmë ‘ekskluzivisht’ në Ballkan dhe më gjerë, natyrën ‘sensacionaliste’ të disa botimeve për këtë misionare, dhe përse është e rëndësishme që të lobojmë pranë Vatikanit për rifillimin e procesit për shenjtërimin e Nënë Terezës. Në këtë intervistë i referohem gjithashtu edhe peticionit drejtuar Qeverisë Rama që të mbaj premtimin kryesor elektoral për të ndërtuar Rrugën e Arbërit që do të lidh Tiranën me Dibrën, një nga zonat më të prapambetura në Shqipëri. Me respekt, Gëzim Alpion