Garraio publikoaren aldeko politikek erabiltzaile berriak erakarri eta fidelizatu behar dituzte. Horregatik gazte txartela zein  hileko edota urteko abonuen sorreraren beharra aldarrikatzen dugu. Argi dago, gainerako garraio publikoetan gertatzen den legez, urteko eta hileko bonua aldi baterakoa baino askoz merkeagoa izan beharko litzatekeela. Gizarteari begira, herritarren ongizatea handiagotu eta gazteen garraio beharrei aurre egingo liokeena.

Bizkaibus,  milaka ikaslek eta gaztek egunero hartzen duten zerbitzu publikoa izanda, Bizkaiko herriak Euskal Herriko Unibertsitateko hainbat fakultateekin lotzen dituelarik, urtean milioika ticket saltzen ditu. Leioako Kanpusarekin lotura duten 20 konexioek, adibidez, 2.300.000 ticket inguru saltzen ditu urtean, 8.000 ikasle baino gehiagok erabiltzen baitu EHU-UPV ra doan zerbitzu berezi hau. Hala ere, Leioako Kanpusa ez da Bizkaian kokaturiko kanpus bakarra, ezta gazteek beharrezkoa duten garraio konexio bakarra, beraz milaka ikasle gehiagok autobusaren behar handia dutela urtean zehar argi eta garbi esan dezakegu.

Beste hainbat herrialdeetan gazteentzako abonu murriztuak martxan daramate denbora luzez, Bizkaian ordea, ez dira inoiz martxan jarri nahiz eta hainbat saiakera izan diren ( Aralarrek 2009an egindakoa, besteak beste eta baztertua izan zena: http://www.aralar.net/eu/aktualitatea/albisteak/aralarrek-deitoratu-egin-du-batzar-nagusiek-bizkaibusen-hilabeteko-bonoa-indarrean-jartzeko-proposamena-atzera-bota-izana?set_language=eu )

Metro Bilbao zein Euskotrenen ereduarijarraituz, Gazte Txartelak eta hileko zein urteko abonuak sortu beharko liratekeenaren gaineko ustea dugu, Hirukotrans zein Gizatrans txartelei jarraiki, tarifa bateratu bat sortuz.

Gizatrans-Barik+65 da aldarrikatzen dugun sistemaren adibiderik harrigarriena, kasu praktiko bat hartuz: Ondarrutik Bilbora Autobusez doan gazteak, inolako diru sarrerarik izan gabe, joan etorrian 4.84€ ordainduko lituzke Barik txartela erabilita eta 6,50€ billete arruntarekin, Gizatranseko kide batek ordea, 65 urte baino gehiago dituen pentsiodunak ordea 1,14€ ordainduko lituzke. HARRIGARRIA EZTA?

Abadiñotik Sarrikoko ekonomia fakultatera dihoan gazteak, diru sarrerarik ez dituenak, urtean zehar 900 euro inguruko gastua izango luke. Autobusa eta Metroa elkar konbinatuz, 1100 eurotik gora joango litzaioke aurrekontua Ondarruko ikasle gazteari… BESTE HAINBAT HERRIALDEETAN PENTSAEZINA IZANGO LITZATEKEENA!

Bizkaibus, zerbitzu publiko duin, publiko, sozial, gertukoa eta bertokoa bihurtzeko asmoarekin, Barik txartel sistemak eskaini ditzakeen aukerei eta gazteen beharrei erreparatuz,

Euskal Gazteriaren beharrei erantzun ezean, gure eskubideen alde borrokatu egingo dugu.

Adeitasunez, beharretan murgildurik eta borrokatzeko prest.