Dun tempo a esta parte asistimos a contínuos episodios de destrución de edificios residenciais. Aínda que moita xente aínda pensa que o Patrimonio son unicamente os monumentos (igrexas, castelos, cruceiros) non é certo.

Que sería dunha cidade de formigón e aluminio con catro elementos antigos no medio? O Patrimonio é o conxunto, incluíndo as casas particulares e edificios, que compoñen a memoria e a historia dun pobo.

Demoler os elementos auténticos para disfrazar de rehabilitación (con placas de cemento, forxas industrializadas e carpintarias de aluminio) é un fraude ao pobo de Monforte e aos Galegos en xeral.

Ademais, cando todos os edificios antigos vaian desaparecendo, con que cara vendemos unha imaxe histórica falsa aos turistas?

Un edificio que xa caeu (disque pola climatoloxía, mintira, foi por falta dd mantemento), a galería máis singular da cidade (polo mesmo motivo) e agora 2 edificios da Rúa Comercio están cubertos con mallas e traballan nas fachadas posteriores.

Pare esa sangría e cumpla o que lle di a lei do solo: esixir o mantemento das edificacións de máis de 50 anos, e todo o casco histórico en xeral. Non se deixe enganar polos particulares, que so actúan en beneficio propio.

O alcalde ten que defender os intereses de todo o pobo de Monforte, e por ética e estensión, de todos os Galegos.