Sa mundo ng kaguruan, madalas tinuturing naming mga guro na pangalawang magulang ang aming mga estudyante. Pero sa kabilang dako, hindi maiiwasan na may mga pagkakataon kung saan kami ay nalalagay sa sitwasyon ng pang-aapi at paninira sa pamamagitan ng internet o social media. Isa itong sitwasyon na hindi lamang nakakaapekto sa aming propesyonal na buhay ngunit pati na rin sa aming emosyonal na estado.

Madalas nakakalimutan ng ilan sa ating mga mag-aaral ang hirap, dedikasyon at pagmamahal na inililaan ng mga guro para sa kanilang eduksayon. Marahil hindi batid ng karamihan, ngunit ang cyberbullying ay nagdadala ng mabigat na pasanin sa damdamin ng mga guro, na sa ilang pagkakataon ay nagbubunga ng depresyon, pagkasira ng reputasyon at minsan, kahit resignation mula sa propesyon.

Ayon sa pag-aaral ng UNESCO, 8 sa 10 na guro sa mga mauunlad na bansa, kasama ang Pilipinas, ang nakakaranas ng iba't ibang klase ng digital harassment. Isa itong senyales na kinakailangan ng agarang aksyon. Kailangang gumawa ng mas mahigpit na mga patakaran at edukasyon para sa mga mag-aaral ukol sa etika sa paggamit ng social media at digital platforms.

Iminumungkahi namin sa Kagawaran ng Edukasyon at mga concerned agencies na magpatupad ng:
1. Mas matibay na anti-cyberbullying policies sa mga paaralan.
2. Mga regular na seminar para sa kabataang estudyante hinggil sa wastong asal at etika sa internet.
3. Pagbuo ng support systems para sa mga gurong nakakaranas ng online harassment.

Sa ating sama-samang pagkilos, mapoprotektahan natin ang ating mga guro at masisiguro ang isang ligtas at positibong kapaligiran sa edukasyon. Samahan niyo kaming iparating ito sa mga kinauukulan. Please sign this petition and be part of the change we want to see.