میں ایک پاکستانی ہوں جو اپنی قومی زبان اردو پر فخر کرتا ہوں، اردو زبان جو ہماری روایتی وراثت اور ثقافت کو اجاگر کرتی ہے۔ پاکستان کی قومی زبان اردو ہے اور دستور پاکستان کی شق 251 کے مطابق اسے ملک کی سرکاری زبان کے طور پر نافذ کرنا تھا۔ یہ خواب پاکستانیوں کی امنگوں کی عکاسی کرتا ہے کہ ان کے ملک کا نظام مملکت ان کی اپنی زبان میں ہو۔

کئی سال سے غیر رسمی طور پر ہم اپنے دفتری اور حکومتی امور میں انگریزی زبان کا استعمال کر رہے ہیں، لیکن یہ ان لوگوں کے لئے بڑی رکاوٹ ہے جو اردو کی تعلیم حاصل کرتے ہیں اور اپنے ملک کی خدمت کرنا چاہتے ہیں۔ 2015 میں سپریم کورٹ نے بھی حکم دیا کہ نظام مملکت کو انگریزی کے بجائے اردو میں چلایا جائے، مگر آج تک کوئی عملی قدم نہیں اٹھایا گیا۔

اردو کو سرکاری زبان کے طور پر نافذ کرنے سے نہ صرف عوام کو اپنے حکومت اور سسٹم کے ساتھ جڑنے میں سہولت ہوگی بلکہ یہ ہماری شناخت کو بھی مضبوط بنائے گا۔ اردو کو سرکاری زبان بنانا ہمارے قومی فخر اور تاریخی ورثے کی حفاظت کا ذریعہ ہے۔

لہٰذا ہم حکومتِ پاکستان سے پرزور مطالبہ کرتے ہیں کہ وہ دستور پاکستان کے مطابق اردو کو سرکاری زبان کے طور پر رائج کریں۔ ہم چاہتے ہیں کہ تمام سرکاری معاملات، تعلیمی اداروں میں تعلیم، اور عدالتی کام اردو زبان میں انجام دیے جائیں تاکہ ہم اپنی زبان، ثقافت اور تاریخ کے تحفظ کو یقینی بنائیں۔

براہ کرم اس مطالبے کو اپنا حمایت دے کر اس پر عمل درآمد کو یقینی بنائیں۔ ہماری اردو زبان کی حفاظت اور اس کے فروغ کے لئے آج ہی اِس درخواست پر دستخط کریں۔