Դիլիջանի <<Գետափ>> ռեստորանային համալիրի սեփականատեր և <<Դիլիջանի ազգային պարկ>> ՊՈԱԿ տնօրեն Սուրեն Աղաջանյանը 2019թվականի դեկտեմբերի 1-ին Գետափ ռեստորանային համալիրում բոլորի աչքի առաջ 2 անգամ կրակել է խելոք շան վրա և ըստ մամուլի տեղեկատվության՝ ընդունել է, որ կրակել է շան վրա։ Ըստ ականատեսների և այդ ռեստորան այցելած անձանց՝ շունը եղել է շատ խելոք, մարդամոտ։

Հայաստանի Հանրապետության քրեական օրենսգրքի 258․2 հոդվածով նախատեսված է կենդանդու հանդեպ դաժան վերաբերմունք,որով չի թույլատրվում կենդանուն սպանել։Նկատի ունենալով, որ Սուրեն Աղաջանյանը հանդիսանում է պաշտոնատար անձ և կարող է պատասխանատվության չենթարկվել, առաջարկվում է ստորագրություններով պահանջել Սուրեն Աղաջանյանին քրեական պատասխանատվության ենթարկել և պաշտոնից ազատել։ Հակառակ դեպքում անպատժելիություն կտիրի երկրում և ցանկացած անձ կարող է կենդանուն հետ վարվել ինչպես ցանկանում է և մնալ անպատիժ։