Ազգային-Ժողովրդավարական Բևեռը դեմ է Երևանում հանրային տրանսպորտի ուղևորավարձի անհիմն թանկացումներին, գույքահարկի և շրջանառության հարկի բազմակի բարձրացումներին։

Բևեռը համարում է, որ սոցիալ-տնտեսական ծանրաբեռնվածությունը պետք է հավասարաչափ բաշխված լինի սոցիալական բոլոր շերտերով, և բյուջեի ճեղքվածքի խնդիրը օֆշորային-ստվերային տնտեսական գործունեությամբ «պաշտպանված» օլիգարխիայի հարստացման հետևանքներով չպետք է լուծվի անպաշտպան, խոցելի, աղքատ խավերին էլ ավելի հարստահարելու գնով։

Բևեռն առաջարկում է ԲՈՅԿՈՏԵԼ իշխանությունների նախաձեռնությունները և ստորագրել տվյալ պետիցիան՝ ձեր համախոհությունն արտահայտելու համար մեր բարձրացրած խնդրի հետ, հանրային լայն շրջանակներին այս անհամաձայնության մաս դարձնելու և վերոնշյալ որոշումները չեղարկելու նպատակով։