Առանց հանք Լոռի

Պահանջում ենք դադարեցնել Լոռու մարզում նոր հանքերի բացումը՝ գիտակցելով դրանց բացման հետևանքով սպասվող բնապահպանական աղետը։

Լոռու մարզում կան շատ բացված հանքեր, որոնց մի մասն արդեն  չի շահագործվում։ Բոլոր այն համայնքները և շրջակայքը, որտեղ գործել կամ  գործում են հանքեր, աղետալի վիճակում են,  չկա բուսականություն, գյուղմթերքն անպիտան է և վնասակար, բաց երկնքի տակ առկա են թունավոր նյութեր, որոնք աղտոտում են շրջակայքը, բնակիչներն էլ տառապում են դրանց հետևանքով  առաջացած հիվանդություններով (կանանց պտղաբերության նվազման բերող հիվանդություններ, քաղցկեղի տարբեր տեսակներ և այլն):

Հանքարդյունահանման, վերամշակման և ձուլման աշխատանքների հետևանքով առաջացող փոշին և թափոնները պատճառ են նաև այդ համայքներում երեխաներիարյան մեջ կապարի բարձր մակարդակի:

Մեր ապագայի մասին մտածելով՝մենք ասում ենք Ո՛Չ նոր հանքերին։

1․ Պահանջում ենք չեղարկե՛լ և թույլ չտա՛լ, որպեսզի կայանան հանրային լսումներ Եղեգնուտ, Դեբետ, Վահագնի ,Վահագնաձոր, Մարգահովիտ համայնքներում։
 2․ Պահանջում ենք չեղարկել «Հարմար» ՍՊԸ-ի կողմից Թումանյան խոշորացված համայնքի Մարց գյուղում վերջերս անցկացրած և համայնքապետի կողմից  «կայացած» համարվող հանրային լսման արդյունքները, քանի որ այն տեղի է ունեցել բնակչության անբավարար տեղեկացմամբ ու մի շարք այլ  ընթացակարգային խախտումներով։
3․ Պահանջում ենք չեղարկե՛լ Լոռու մարզի Քարաբերդ համայնքի տարածքում գործող ոսկու հանքի գործունեությունը, որի արդյունքում մեծապես տուժում է նաև Վանաձոր քաղաքը։

Առանց հանք Լոռի՛