Հարգելիներս, տեղեկացնում եմ, որ կրթական նոր չափորոշիչների ներդրման դեմ պայքարում շատ կարևոր է գիտակցել, որ այդ չափորոշիչների մշակման և ներդրման մեջ ներգրավված չէ մեկ անձ՝ այսինքն պայքարելով միայն ԿԳՄՍ նախարարի, փոխնախարարի, խմբի ղեկավարի կամ այլ մեկի դեմ խնդիրը որևէ լուծում չի կարող ստանալ։

Երեխաների, մեր ազգի և պետականության համար այդ վտանգավոր և քայքայիչ չափորոշիչների մշակմամբ արդեն մի քանի տարի է զբաղված է Հայաստանում Սորոսի «Բաց հասարակության հիմնադրամներ»-ը, որը տարբեր անձանց, ՀԿ-ների միջոցով մշակել, իսկ այժմ էլ արդեն իր ցանցի ազդեցության տակ գտնվող պաշտոնյաների միջոցով փորձում է ներդնել դրանք։

ԱԺ-ում, կառավարությունում՝ այդ թվում ԿԳՄՍՆ-ում, ներդրված են մարդիկ, ովքեր կատարում են Սորոսի «Բաց հասարակության հիմնադրամներ»-ի պահանջները և սպասարկում նրանց շահերը։ Իշխանության մի շարք ներկայացուցիչների հայտարարություններից արդեն պարզ է, որ Սորոսի հիմնադրամի կողմից հստակ հրահանգված է ամեն կերպ ներդնել նոր քայքայիչ կրթական չափորոշիչները։

Հաշվի առնելով վերոնշյալը՝ կարևոր եմ համարում այս փուլում հստակ ձևակերպել կրթական չափորոշիչների մասով պահանջները՝ այն է․

• Ամբողջովին չեղարկել նոր կրթական չափորոշիչների մշակված և քննարկման դրված նախագիծը։
• 
  Ձևավորել կրթական չափորոշիչների մշակմամբ զբաղվող նոր խմբեր, որտեղ ներգրավված կլինեն հասարակության կողմից ընկալելի, հայանպաստ և պետականամետ մտածողությամբ մարդիկ, ովքեր համագործակցություն չեն ունեցել Սորոսի «Բաց հասարակության հիմնադրամներ»-ի հետ, չեն գտնվում վերջինիս ազդեցության տիրույթում։

Պահանջների չկատարման դեպքում անցնել համընդհանուր զանգվածային բողոքի ակցիաների, որոնց մանրամասներն արդեն կքննարկենք հաջորդիվ։

Երեխաների համար անվտանգ մանկություն և պաշտպանվածություն ապահովելը բոլորիս պարտականությունն է, որը չկատարելու իրավունք և ժամանակ մենք չունենք։ Սորոսականներին թույլ չենք տալու գողանալ երեխաների մանկությունը։
 

Հարգանքով՝ «Անվտանգ կրթություն» հարթակի հիմնադիր Անի Հովհաննիսյան