2020թ-ի հուլիսի 1-ից ուժի մեջ է մտնելու կենսաթոշակային պարտադիր հատկացումների մասին օրենքը, որը ընդունվել է 2019թ հունիսի 25-ին։

Ըստ այդ օրենքի, համախառն եկամուտով (կեղտոտ աշխատավարձով) 500 000 և ավել աշխատավարձ ստացող անձանցինց, այսուհետև գանձվելու է համախառն եկամտի (կեղտոտ աշխատավարձի) 10% - 37 500դր։ Վերջին թիվը (37 500) պետությունն է վճարելու, որը հաջորդ տարի նվազելու է 5000 դրամով և այդպես շարունակ մինչև չդառնա 25 000 դր։ Հետևապես 2023թ. մենք վճարելու ենք համախառն եկամտի (կեղտոտ աշխատավարձի) 10% - 25 000։
Օր․ 1մլն համախառն եկամուտ ստացող անձը հուլիսի 1-ից վճարելու է 62 500 դր։ Հաշվարկը կատարվում է հետևյալ կերպ 1 000 000*0.1 - 37 500 = 62 500:

2020 թվականի հուլիսի 1-ից սոցիալական վճարների հաշվարկման առավելագույն շեմը դառնում է նվազագույն աշխատավարձի 15-ապատիկի չափ, որն այս պահին կազմում է 1.020.000 ՀՀ դրամ: Արդյունքում, 500.000 ՀՀ դրամից ավել աշխատավարձ ստացողները վճարելու են ամսական մինչև 52.000 ՀՀ դրամ լրացուցիչ սոցիալական վճար:

Մյուս աշխատավարձներից պահումնները կատարվելու են նույն բանաձևով։ Պետք է նաև հաշվի առնել որպես առաելագույն շեմ, նվազագույն աշխատավարձի 15-ապատիկի 10% - պետական հատկացումներ (այս տարվա համար վերոհիշյալ 37 500դր)։ Հետևաբար առավելագույն շեմի հաշվարկը հետևյալն է մինչև 2021թ․ նվազագույն աշխատավարձ՝ 68 000*15*0.1 - 37 500 = 64 500դր։ Եվ այս շեմը մինչև 2023թ. աճելու է մինչև 77 000դր։

Այս օրենքը ոտնահարում է մարդու իրավունքը սեփական միջոցների տնօրինման հարցում։

Պահանջում ենք շուտափույթ «Կուտակային կենսաթոշակների մասին» օրենքում փոփոխություններ կատարելու մասին» ( փաստաթղթային կոդ` Պ-580-20.04.2020-ԱՍ-011/0) ՀՀ օրենքի նախագիծը ներկայացնել Ազգային ժողով քննարկման և հաստատել այն։ 

Նախագծով առաջարկվում է 2020 թվականի հուլիսի 1-ից սոցիալական վճարների հաշվարկման առավելագույն շեմի բարձրացման կարգավորումները չեղյալ համարել, և առանց հետագա ժամկետային սահմանափակման առավելագույն շեմ սահմանել 500.000 ՀՀ դրամը: