Мерцедесот од 580.00 евра е симбол на коруптивното и криминално владеење на владата на Груевски.  Во земја каде што минималната плата е едвај 200 евра, бившиот премиер Груевски набави луксузно службено возило со народни пари од скоро 600 илјади евра.  Како што би рекол екс министерот за финансии Ставревски: „Ние сме лудаци, немаме за леб а трошиме за чоколадо!“

Бараме новата Влада на чело со г-динот Заев веднаш да го продаде прескапиот мерцедес за сегашната пазарна цена од 440.000 евра! Бараме со средствата од продажбата да се купат неколку електрични возила за потребите на администрацијата и неколку амбулантни возила. Потсетуваме дека ново, целосно опремено амбулантно возило чини околу 130 илјади евра, додека ново електрично возило чини околу 30 илјади евра.

Исто така потсетуваме дека папата се вози во скромно возило Fiat 500L кое чини 15.000 - 20.000 евра.