No ano 2010, fai soamente 3 anos, o Papa visitou Galiza e todos os galegos e galegas gastamos 2,5 millóns euros do erario público en sufragar ese gasto.

Ademais diso blindouse Santiago de Compostela con 6000 policías impedindo a libre circulación das persoas e foron continuos os cacheos aos cidadáns durante as semanas previas.

Por outro lado hai que lembrar que, segundo a Constitución, o Estado é laico e polo tanto non está xustificado o pago de gastos da visita do máximo representante dunha igrexa por parte do orzamentos públicos. E, aínda menos, o fomento por parte desas institucións dunha visita cuxo custe é tan cuestionable.

Por último e tendo en conta a situación de crise na que nos atopamos, non é de recibo que as nosas Institucións e Administracións sexan tan desprendidas con gastos tan superfluos.

Por todo o dito considero que a Xunta de Galiza debería evitar a visita do Papa ao noso país ou, cando menos, rexeitar sufragar o custe da súa instancia en Galiza.

http://www.elmundo.es/elmundo/2010/11/09/galicia/1289329179.html