Ant 22 me, jounen mondyal byodivèsite a ak 5 jwen, jounen mondyal anviwonnman an, ak kominote kotyè sou zile Lagonav, CAPEELAG reyalize plizyè plantasyon mangwòv sou kot yo.

Nan tablo sa a, Atis Djooly ap moutre ki wòl mangwòv la jwe nan pwoteje lavi ak enterè nou devan kou dèyè li sou kot la.

Ann envite lòt moun siyen petisyon sa a pou n mande Leta Ayisyen pwoteje ekosistèm sa ak tout konplèks li menm, resif koray la ak zèb lanmè a fòme sou litoral la ki kapab ofri nou plis pase 1.2 milya dola ameriken sèvis ekosistemik e ki reprezante richès zile a.

Ann ale! Pataje lyen an rezo ou. N ap kite yon zile pi bèl pou pitit nou.