Við undirrituð mótmælum harðlega fyrirvaralausri brottvikningu Kristjáns Þorbjörnssonar yfirlögregluþjóns á Blönduósi úr starfi.

Uppsögnin var gerð eftir 36 ára farsælt starf og aðeins fáum mánuðum áður en yfirlögregluþjónninn átti að fara á eftirlaun.

Valdníðsla af verstu gerð!

Í því sambandi má benda á að þegar lögregluumdæmin voru stækkuð árið 2007 var það samkomulag gert af þáverandi dómsmálaráðherra Birni Bjarnasyni, að lögreglumönnum yrði ekki sagt upp út af sameiningunni og ef yfirmenn yrðu of margir myndi það jafnast út þegar menn færu á eftirlaun. 

Við undirrituð skorum á núverandi dómsmálaráðherra að afturkalla þessa aðför óreynds lögreglustjóra að lögreglumanni og að ríkið standi að fullu við fyrirheit fyrrverandi ráðherra dómsmála.