Հասցված նյութական ու ոչ նյութական վնասների փաստը, որը ներկայացնում ենք հետևյալ հիմնավորումներով.

1. Չկայացած ներկայացումներ և հանդիսատեսի իրավունքների սահմանափակում
    - Այս տարինախատեսված էր ներկայացնել 115 թատերական ներկայացում:
    - Հաշվի առնելով «Գոյ» թատրոնի դահլիճի նստատեղերի քանակը 120 է և միջինում 85% ծանրաբեռնվածության ցուցանիշով, նախատեսվում էր տարվա ընթացքում ընդունել 9775 հանդիսատես, որոնք  զրկվել են թատրոնի ներկայացումները դիտելու հնարավորությունից:
2. Դերասանների աշխատանքային իրավունքների խախտում
    - Դերասանները զրկվել են իրենց նախընտրելի թատրոնում աշխատելու հնարավորությունից՝ ներկայացնելու իրենց սիրված ներկայացումները:
    - Այս ընթացքում պետք է կայանար 3 առաջնախաղ, որոնք հանդիսանում են թատրոնի մշակութային զարգացման կարևոր մասը:
3. Մշակույթի տարածման խոչընդոտում
    - «Գոյ» թատրոնը պետք է ներկայացներ Հայաստանը միջազգային թատերական փառատոններում, ինչը խաթարվել է:
    - Նախատեսված էր նաև ներկայացումներ Հայաստանի մարզերում և նրա  սահմաններից  դուրս՝ նպաստելով հայ մշակույթի տարածմանը, որը ևս իրականություն չի դարձել:
4. Ֆինանսական կորուստներ
    - Միջինում 2000 դրամ արժեք ունեցող տոմսերի հիման վրա հաշվարկվել է, որ թատրոնի տարեկան եկամուտը կկազմեր 19,550,000 դրամ: Այս գումարը կարող էր ուղղվել թատրոնի զարգացմանը, նոր նախագծերի իրականացմանը:
    - Աշխատակիցները, զրկվելով իրենց աշխատանքից, դարձել են գործազուրկ՝ առանց վարձատրության և եկամտի աղբյուրի:
   
   Վնասի հետևանքները
   Բերված հանգամանքները վկայում են, որ թատրոնի գործունեության արգելափակումը լուրջ ազդեցություն է ունեցել ոչ միայն թատրոնի աշխատակիցների, այլ նաև մշակութային և հասարակական ոլորտների վրա՝ երկարաժամկետ և լայնածավալ հետևանքներով:

Գոյ թատրոնը, որը կարևոր մասն է կազմում հայկական մշակութային ժառանգության, կանգնած է փակման վտանգի առաջ։

Խնդրում ենք աջակցել այս ստորագրահավաքին, որպեսզի կարողանանք պահպանել մեր մշակույթը՝ որպես նորարարական արվեստի կենտրոն։

Ստորագրահավաքի նպատակն է պետական մարմիններին ստիպել վերանայել իրենց որոշումները և ապահովել թատրոնի շարունակական գործունեությունը։

Գոյ թատրոնը բազմիցս ապացուցել է իր կարևոր դերը մեր հասարակության և մշակույթի զարգացման գործում։ Նրա գործունեության դադարեցումը լուրջ վնաս կհասցնի՝

1. Հանրության կրթամշակութային մակարդակին, քանի որ թատրոնը մշտապես եղել է բարձր որակի բեմադրությունների աղբյուր։
2. Արվեստագետների աշխատանքային հնարավորություններին, ինչը կբերի գործազրկության և տաղանդի արտահոսքի։
3. Համայնքային զարգացմանը, քանի որ Գոյը ոչ միայն արվեստի կենտրոն է, այլև՝ ներգրավված է սոցիալական ծրագրերում։

Այս որոշման վերանայումը կտա՝

• Մշակույթի զարգացման շարունակականության երաշխիք։
• Արվեստագետների ու արվեստասերների համար ստեղծարար հարթակ։
• Նոր աշխատատեղեր և կրթական հնարավորություններ։

Ձեր աջակցությունը չափազանց կարևոր է։

Տարածեք ստորագրահավաքը և դարձեք փոփոխության մի մասը: