З Днём Волі, шаноўныя Беларусы!

З Днём Волі, шаноўныя суайчыннікі, шаноўныя Беларусы!

Зычу волі кожнаму беларусу, які зараз знаходзіцца за кратамі, які галадае ці рэжа сабе вены ў знак пратэсту супраць здзекаў і катаванняў.

Зычу волі кожнаму беларусу, які працягвае барацьбу за свае правы і лёс, нягледзячы на ператрусы, арышты, суткі, штрафы і запалохванне.

Волі кожнаму палітвязню, волі кожнаму беларусу!

Жыве Беларусь!

***
Прамова Ціханоўскай на Дзень Волі

***
Дваццаць пятага сакавіка —
Годны дзень
Беларускай дзяржавы.
Веснаплынных вятроў талака
Пыл з кароны атрэсла іржавы.

Шматавалі нас досыць арлы
І з адной, і з дзвюма галавамі.
Мы не з нейкай бязроднай імглы,
Нас вякі як сваіх
Гадавалі.

Мы — ратаі святла,
Крывічы,
Верхачы неўміруючай Пагоні.
Маладзік сакалом на плячы,
Гартны меч у цвярдое далоні.
Лучыць нашыя мары рака
Бел-чырвона-белага сцяга.

Дваццаць пятага сакавіка —
Наша свята,
Пароль
І прысяга!

(c) Рыгор Барадулін