ПК-9 (г. Горкі)– гэта папраўчая калонія ці катавальня?

Спыніць катаванні палітвязня Міхаіла Жамчужнага.

(адкрыты зварот грамадзянаў  Рэспублікі Беларусь)

            Грамадству стала вядома, што ў горацкай калоніі  № 9,  якой  зараз кіруе палкоўнік   Лапатка А.А. палітычны вязень  Жамчужны Міхаіл Ігаравіч падвяргаецца  жорсткаму , бесчалавечнаму,  зневажаючаму    годнасць  абыходжанню, катаванням.

           У сістэме ДВП РБ падтрымліваецца і шырока выкарыстоўваецца адміністрацыямі папраўчых устаноў сістэма няпісаных правілаў і нормаў паводзін - “воровской закон” у адпаведнасці з якім кожнаму  асуджанаму прывойваецца  пэўны статус. Ніжэйшы статус - гэта так званыя "апушчаныя", людзі, якія ператвораныя ў рабоў, пазбаўленыя ўсіх правоў, якія выконваюць самую брудную  працу.       

    Пасля пераводу Міхаіла Жамчужнага  ў   калонію ПК-9   у Горках, адміністрацыяй ПК-9 была   зроблена  спроба   змясціць  Міхаіла  у  атрад нумар 13, дзе, як вядома ад былых зняволеных, знаходзяцца  вязні , маючыя нізкі  крымінальны статус, што па “крымінальных законах” у турме   падобна смерці.  Міхаіл адмовіўся   і  за непадпарадкаванне яго адправілі  ў ШІЗА.  Пасля адсідкі тэрміна яму ізноў далі  загад  ісці  ў той самы атрад,  ізноў адмовіўся – ізноў  ШІЗА  , і ізноў, і так 14 разоў . Агулам  з пачатку жніўня Михаіл Жамчужны  правёў у ШІЗА   каля 100 сутак.   6 студзеня 2018 Міхаіл Жамчужны быў  пераведзены на адзін месяц у памяшкане камернага тыпу(ПКТ).  Акрамя  ўсяго, лісты, якія Міхаілу  прыйшлі  з волі  падчас яго знаходжання ў ШІЗА, супрацоўнікі ПК-9  аддалі  без капэртаў , то бок без адваротных адрасоў  , тым самым   груба, цынічна парушыўшы правы зняволенага .       Горацкая калонія ПК-9 даўно мае дурную славу самай страшнай калоніі, у якой аказваецца бязмежны ціск на асуджаных. У апошнія гады калонія  выкарыстоўвалася  і як спосаб ціску на палітычных вязняў: там адбывалі свой тэрмін зняволення  Зміцер Дашкевіч, Васіль Парфянкоў, Мікалай Дзядок, Аляксей Мілюкоў да якіх таксама былі ужытыя спробы падобных катаванняў “статусамі”. Журналіст, актывіст анархісцкага руху Мікалай Дзядок,  сведчыць: ” Па-першае, адміністрацыя ПК-9  цісне на ўсіх зэкаў, а на палітычных – асабліва. Па-другое, для ціску актыўна выкарыстоўваюць касту блатных і нефармальныя турэмныя законы – „паняцці”. І апошняе – адміністрацыя не выпускае скаргі з калоніі, часта не пускае адваката ці абмяжоўвае час сустрэчы з ім, і вядзе сябе паказальна нахабна, дэманструючы, што нічога не баіцца “. Лідэр палітычнай арганізацыі «Малады фронт» Зміцер Дашкевіч  сведчыць:  “ Адміністрацыя калоніі выкарыстоўвае крымінальныя статусы для ціску на непажаданых . Зняволеныя, якія маюць доўгія тэрміны, ідуць на супрацоўніцтва з адміністрацыяй, а начальства калоніі дае ім санкцыю на прымусовы перавод вязня у так званы нізкі статус, ў статус "апушчаных".

    Мы, падпісанты  гэтага звароту, лічым, што адміністрацыя ПК-9 , ужываючы супраць зняволенага Жамчужнага Міхаіла катаванні, жорсткія, бесчалавечныя, зневажаючыя годнасць  метады абыходжання , парушае як законы Рэспублікі Беларусь,  так і міжнародныя дамовы .

   Мы задаем патынне усім  адрасатам гэтага звароту:” ПК-9 – гэта папраўчая калонія ці катавальня? Пенітэнцыярная сістэма   падпарадкоўвываецца  законам Рэспублікі  Беларусь ці  жыве  па “крымінальных законах “?

   Падобныя катаванні “статусамі” адбываюцца і  ў  іншых калоніях Беларусі. Гэтаму ёсць сведчанні 

     Мы патрабуем  ад міністра унутраных спраў Шуневіча І.А. :

-          Неадкладна навесці парадак у калоніях, турмах  Рэспублікі Беларусь, у тым ліку у ПК-9, выключыць   выкарыстанне паняццяў і статусаў  «воровскога свету » для арганізацыі  дзейнасці папраўчых устаноў пеніцытарнай сістэмы Рэспублікі Беларусь;

-       Спыніць катаванні людзей  у турмах, калоніях ;

-         Прыцягнуць  вінаватых  у  катаванях “статусамі”  да адказнасці.

     Нагадваем вам,  Шуневіч І.А.,  Канюк А.У , Лапатка А.А  , што ўсе незаконныя дзеянні ў адносінах да зняволеных - гэта адказнасць дзяржавы (незалежна ад таго, чыім рукамі гэта робіцца: самой адміністрацыі, або рукамі  зняволеных), то бок гэта ваша адказнасць. Напамінаем вам , што вы  служыце Закону, а  Галоўны Закон нашай краіны Беларусь - Канстытуцыя Рэспублікі Беларусь , дзе запісана(арт.25):

“Ніхто не павінен падвяргацца катаванням, жорсткаму, бесчалавечнаму або зневажальнаму да яго годнасцi абыходжанню цi пакаранню”.

У выпадку вашай няздольнасці змяніць сітуацыю,  навесці парадак у пенітэнцыярнай сістэме Рэспублікі Беларусь прапануем вам сыйсці ў адстаўку, каб  далей не ганьбіць гонар  беларускага афіцэра.                                                                                                                                                         16.01.2018

  Форум “Свабоду палітвязням Беларусі”