12 верасня Міністэрства юстыцыі праводзіла пазачарговую пераатэстацыю ў дачыненні да 21 адваката Мінскай гарадской калегіі адвакатаў.

Сярод прызнаных “некваліфікаванымі” – Ганна Бахціна, якая мае 38 гадоў юрыдычнага стажу і 25 гадоў працуе ў адвакатуры.

У розныя часы Ганна Бахціна абараняла такіх фігурантаў рэзанансных справаў, як Эніра Браніцкая (справа “Партнёрства” 2006 года), Ірына Халіп (справа аб масавых беспарадках 2010 года), Эдуард Пальчыс (“справа Джона Сільвера” 2016 года) і іншых.

А апошнім яе гучным падабаронным стаў Міраслаў Лазоўскі, фігурант палітычна матываванай справы “аб падрыхтоўцы масавых беспарадкаў” (вядомай як “справа Белага Легіёну”), якая яшчэ не спыненая.

Лічым што ўсялякага роду пераатэстацыі з боку Мінюста з'яўляюцца адкрытай формай ціску на адвакатуру.

Патрабуем спыніць ціск і рэпрэсіі на беларускіх адвакатаў і адмяніць незаконнае рашэнне Кваліфікацыйнай каміссіі па пытаннях адвакацкай дзейнасці Мінюста ў дачыненні да адваката Ганны Бахцінай.