Euskal ekosistema eta bioaniztasunean garrantzi haundiko adierazle berezia dugu otsoa. Besteak beste, basa apodunen harrapari bakarra izateagatik. Baina otsoak Euskadin duen estatusa oso larria da, Foru Aldundiek egindako kudeaketa eta gizakiok eragindako hilketak direla medio. Azpimarratu beharra dago antzeko populazio estatusa izango lukeen beste edozein animalia Espezie Mehatxatuen Euskal Katalogoan ageri litzatekeela. Hauxe ezin justifikatuzko arbitrarietatea iruditzen zaigu, Katalogoak espezieak sailkatzeko argudio legal, tekniko eta zientifiko zein helburuak erabiltzen baititu.

2015eko urtarrilaren 26an Euskal Jaurlaritzari eskatu genion otsoa Espezie Mehatxatuen Euskal Katalogoan sar zezan. Eskaeraren atzean Estatu osoko ingurumen eta animalista arloko hogeita bost erakunde bazeuden ere, oraindik ez dugu erantzunik jaso.

Horrela izanik, gizarte zibilaren euskarriaren eske gabiltza, bai Foru Aldundiek bai Eusko Jaurlaritzak legedia bete dezaten.

Mesedez: emaiozu laguntza kanpainari zure sinaduraren bitartez. Aldez aurretik, eskerrik asko!