Не так даўно з калоніі вызвалілі беларускага апазіцыянера Зміцера Дашкевіча, аднак у зняволенні застаецца Мікалай Статкевіч - кандыдат у прэзідэнты на выбарах 2010 года. Гэта азначае, што ёсць чалавек, пра якога мы павінны нагадаць і за якога мы павінны змагацца, чалавек, якога варта вызваліць, - OneMore2beFree!

Сітуацыя Мікалая Статкевіча надзвычай складаная . На апазіцыянера , асуджанага за ўдзел у дэманстрацыі 19 снежня 2010 года на 6 гадоў зняволення, пастаянна аказваюць ціск, некалькі разоў яго змяшчалі ў карцэр, яго спрабавалі зламаць, абцяжарвалі кантакты з адвакатам, сям'ёй і абмяжоўвалі перапіску. Яго абвінавацілі ў тым , што ён "не паддаецца рэсацыялізацыі ў калоніі" і дадаткова асудзілі на тры гады турмы строгага рэжыму. Яму шмат разоў прапаноўвалі напісаць просьбу аб памілаванні на імя прэзідэнта Аляксандра Лукашэнкі, але М. Статкевіч катэгарычна адмаўляўся, пасля чаго ціск на яго толькі ўзмацняўся.

Дзеянні адміністрацыі турмы паказваюць, што А. Лукашэнка імкнецца знішчыць сваіх палітычных апанентаў. Мы не можам гэтага дапусціць!

У сувязі з гэтым, мы апелюем да лідэраў ўрадаў краін Еўрапейскага саюза працягваць намаганні, накіраваныя на вызваленне і рэабілітацыю Мікалая Статкевіча і іншых беларускіх палітычных зняволеных; не пераставаць аказваць ціск на беларускі рэжым і неадкладна звярнуцца да беларускіх уладаў з патрабаваннем гарантаваць палітвязням свабоду ад катаванняў і іншых формаў бесчалавечнага абыходжання з імі, а таксама спыніць пераслед Мікалая Статкевіча.

Мы глыбока перакананыя ў тым, што толькі паслядоўныя дзеянні і агульная пазіцыя краін Еўрапейскага саюза могуць прывесці да вызвалення беларускіх палітычных зняволеных.