Desde a Anpa do IES Breamo consideramos q a Consellería de Educación da Xunta de Galicia ten a responsabilidade de  garantir unha educación pública, gratuita, de calidade e non discriminatoria.

Dende o comezo de curso escolar o alumnado de Bacharelato vese obrigado a pagar o transporte para desprazarse ó instituto. 

Dende a Anpa reclamamos que se manteña a gratuidade do servizo, garantindo as prazas de transporte, e que deixe de repercutir o gasto nas familias do rural, que ven como se discrimina aos seus fillos e fillas. 

Esiximos que a Consellería de Educación sexa a que se faga cargo dos custos do transporte escolar, garantindo os dereitos do alumnado.

E pedimos a familias e representantes políticos dos concellos afectados, que se sumen a esta reivindicación, dando resposta así ao alumnado que se está a mover en defensa dos seus dereitos.

A Galicia rural tamén ten dereito á educación! Basta xa!