Respect our Constitution! No new Pension

0 have signed. Let’s get to 100!


Nou konstitisyon I en dokiman sakre, ki nou pep sesel ti vote pou adopte an 1993. I sa liv ki donn gidans pou nou bann lalwa me ozordi nou war bann ki nou’n elekte dan lasanble pe zwe ladan pou donn zot lekor plis benefis, bann benefis ki sa konstitisyon ki nou ti vote pa’n fer okenn provizyon. Pou fer en lamannman dan nou konstitisyon zot bezwen de tyer mazorite. Napa en parti dan lasanble aktyel ki annan sa mazorite de tyer, alors LDS ek Lepep in travay ansanm pou kapab fer sa sanzman pou zot benefis. Sa lalwa ki ti ganny pase pou donn zot lekor en trwazyenm pansyon ti ganny trouve konman kont nou konstitisyon par lakour konstitisyonel. Dan plas sanz sa lalwa pou fer li en linny ek konstitisyon zot sanz nou konstitisyon pou fer sa lalwa vin legal en mannyer pou zot benefisye ek en pansyon.

Rezon akoz fodre ou sinny sa petisyon se ki nou devret fer keksoz drwat! Eski I zis e byen ki en fermye, gard sekirite, peser oubyen ners I bezwen travay ziska 60 ou 63an pou ganny en pansyon kan nou MNA I kapab pran retret a laz 55an? Eski I zis, normal e byen ki nou bann MNA I vin rod nou toule 5 an me apre inyor nou pandan ki zot rod fason pou donn zot lekor plis benefis? Apre ki nou vot pou zot, zot disparet e pa get nou ankor pandan ki zot al enjoy zot loto duty-free, cocktail parties e al fer island hopping lo nou larzan tax? E nou bann sitwayen, bann travayer nou eskente pou pey tax pou zot ganny sa bann pansyon! Sa larzan ti kapab ganny servi lo bann lezot depans parey rod liv pou nou zanfan lekol, aste latizann pli bon kalite pou tret nou pep, devlop nou bann zofisye lapolis pou zot kapab adres sitiasyon krim dan pei, me nou pa kapab fer sa akoz nou bezwen pey en lot pansyon pou MNA. Kote ou oule ou larzan tax I ale? Pansyon pou MNA oubyen ledikasyon nou zanfan?

Si ou oule lazistis pou pep Seselwa, sinny sa petisyon! Nou’n donn zot en sans pou fer sa ki byen, me zot pa’n kapab. La in ler pou pep Seselwa koze – nou ki met zot la, nou ki dir zot ki pou fer



Today: Romeo is counting on you

Romeo Alcide needs your help with “the.speaker@nationalassembly.sc: Respect our Constitution! No new Pension”. Join Romeo and 4 supporters today.