Dövlət İmtahan Mərkəzi tərəfindən çıxarılan və adına yeni deyilən test kitabları, əslində, elə əvvəlki ilin testləri ilə eynidir. Lakin bu eynilik "təkmilləşdirilmiş" sözü ilə ört-basdır edilir. Yenilənməyən, göz boyamaq üçün üstündə kiçik dəyişikliklər edilən bu testlər ətraf mühitə, xüsusilə də oksigen və nəfəs mənbəyimiz olan ağaclara ciddi surətdə zərər vurur. Əgər valideynlər 10 il sonra 70 dərəcə isti ilə qarşılaşmaq istəmirlərsə, bu gün buna "Yox!" deməyi bacarmalıdırlar. Bu məsələ ilə bağlı Dövlət İmtahan Mərkəzini və Təhsil Nazirliyini ciddi tədbir görməyə çağırıram. Gəlin kimlərinsə qazancı naminə ölkəmizi və dünyamızı məhv etməyək!