PETISYON PARA SA NAPAKABAGAL NA SISTEMA NG PHILIPPINE SOCIAL SECURITY SYSTEM (SSS).

Ang sobrang bagal at bulok na sistema ng SSS ay hindi nararapat para sa mga mamamayan na tapat sa buwanan nilang kontribusyon sa ahensya. Labis-labis na ang nararanasang paghihirap ng kapwa nating mga Filipino, dagdag pa dito ang dalang hirap ng pandemya (Covid-19), ang ilan ay nawalan na ng kabuhayan at trabaho. Ang ilan ay may labis na pinagdadaanang mga problema bago pa magkaroon ng pandemya. At nakalulungkot na ang inaasahang mga benepisyo mula sa SSS ay labis na natatagalan sa pagbibigay. Napaka-hirap malapitan.

Tignan ang ilang mga reklamo ng ating mamamayan patungkol sa SSS. (https://www.facebook.com/iammarkgarcia/posts/3202316656501327) Nakalulungkot, dahil tila hindi napakikinggan ang hinaing ng ating mga kababayan.

Dahil dito, kami ay nananawagan na bigyang aksyon ng pamahalaan at HOLDING SOCOTEC - S.A.S. (ISO Standards) ang kabagalan na ahensya, maisaayos ng tama ang sistema na may kalakip na kabilisan. I-audit ang bawa't tao o departamento na nagiging-sanhi sa hindi makataong serbisyong ito.