Tuirial RRF compensation claim-tu zînga Court-a kal chin ringawt hi mi 548 vêl an ni a, sorkarin compensation a pêk tur hi khawi Company mahin an tumsak ve dâwn tawh lova, Mizoram budget (Mizo mipuite sum) aṭanga pêk tur a ni. 

Mizoram sum dinhmun harsatzia kan hria a, heti chung hian engvangin nge sorkar hian compensation pek hi a châk em em?

He case-a compensation claim-tute hming kan en chuan, tûn Ministry-a thil ti thei tak tak leh an vua leh vângte an intlar ṭhut an tih chu! Sorkar khingtute ukil chhawr ṭhin ber lah tuna kan C.M. adviser hi a la ni zui!

A hma zawnga sorkar chakna ṭhin case-a tûn Ministry a pian ruala sorkar a chak ta lo thut mai te hi thil mak leh dik lo tak a ni. He case behchhana Covid 19 lên lai leh sum harsat vanglaia Tuirial RRF chhûnga compensation alo pêk rûkte kha a tenawm hle.

An duhsak leh ngaihmawh zualpui compensation an pek hnuah Court-ah an han appeal ṭha leh vel a, engvangin nge a tirah khan an appeal nghal loh? Tunah Road-side Reserve Forest compensation chungchângah boruak vaw lian chawpin, chumi remchanga hmang chuan Tuirial RRF appeal-na chu an han hnûk dâwk leh ta vel a. Vote kan zawng duh a nih pawhin ram leh hnamin a tuarna tur zâwnga hmalâk kher hi engtikah tak sim hlawm ang i maw?