Pedidu ba Primeiru Ministru Atu Reavalia Polítika Planeamentu Familiár iha Timor-Leste

0 have signed. Let’s get to 2,500!


(English below)

Semana kotuk loron 12 Jullhu, Ministériu Saúde Timor-Leste aprezenta ezbosu polítika foun ba Planeamentu Familiár iha Timor-Leste maibé konteudu ezbosu polítika ne’e hamosu preokupasaun públiku tanba polítika ne’e sei fó impaktu negativu no ameasa direitu ema hotu-hotu nian, liuliu foinsa’e sira, ema ne’ebé seidauk kaben, no feto rurál sira.

Ami ne’ebé asina petisaun ne’e fiar katak:

  1. Ema hotu-hotu iha direitu atu asesu ba métodu planeamentu familiár, la haree ba idade ka estadu sivíl.
  2. Ema hotu-hotu iha direitu atu hili ho livre kualkér métodu planeamentu familiár.
  3. Ema hotu-hotu iha direitu atu desidi ho livre hakarak iha oan ka lae, bainhira, no oan hira.
  4. Timor-Leste nia konstitusaun, lei nasionál no konvensaun internasionál sira asegura ona direitus sira ne’ebé temi ona iha leten:
  • Lei 10/2004, Artigu 3 husi Lei Sistema Saúde: Objetivu fundamental husi lei ne’e mak atu permiti asesu ba servisu saúde ba sidadaun hotu-hotu, la haree ba sira nia estadu sivil.
  • Artigu 16,17 husi Konstituisaun Timor-Leste nian: Garantia oportunidade no tratementu iguál, no labele halo diskriminasaun ba ema ida bazeia ba nia estadu sivil.
  • Artigu 57 husi Konstituisaun Timor-Leste nian: Ema hotu iha direitu ba saúde, asistensia medika sanitaria, no obrigasaun atu proteje no promove buat hirak ne’e.
  • Timor-Leste nia Polítika Planeamentu Familiár Nasionál, 2004: Ema ida-idak iha direitu atu deside numeru no distansia ba sira nia oan.
  • Artigu 12 husi Konvensaun Halakon Forma Diskriminasaun Hotu-hotu Kontra Feto (CEDAW): Nasaun membru tenki hola medida hotu-hotu ne’ebé propriu atu halakon diskriminasaun kontra feto iha area kuidade konaba saúde, atu nune’e garanti, bazeia ba igualdade feto no mane, nia asesu ba serbisu kuidadu saúde nian, inklui mos asesu ba planu familiár.
  • Artigu 16.1 (e) husi CEDAW nian: Nasaun membru sira sei asegura katak feto no mane sira iha direitu hanesan atu deside—ho livre no resposavel numeru no distansia sira nia oan no bele iha asesu ba informasaun, edukasaun, no meiu oi-oin atu bele permite sira atu ezersese direitu hirak ne’e.
  • Artigu 12.1 husi Paktu Internasional ba Direitu Ekonomia, Sosiál, no Kultural (ICESCR): Nasaun membru ba Paktu ida ne’e rekoñese direitu ema hotu-hotu nian atu bele goza saúde fíziku no mental ho padraun nivel altu nian.
  • Nasoins Unidas nia Objetivu Dezenvolvimentu Sustentavel: Objetivu 3: Garantia Moris Saudavel no promove moris di’ak ba ema ho idade hotu-hotu; Objetivu 5: Atinji igualdade jéneru no empodera feto no labarik feto tomak; Objetivu 10: Redúz dezigualdade iha no entre nasaun sira.
     

Polítika Planeamentu Familiár ne’ebé Ministériu Saúde aprezenta foin lalais ne’e sei viola konstitusaun, lei no polítika sira ne’ebé Timor-Leste ho vontade di'ak estabelese tiha ona atu halo tuir.

Ami husu atu prosesu ba aprova no implementa polítika ida ne’e labele halo ho urjente maibe atu Ministériu Saúde bele halo konsultasaun ne’ebé luan liutan atu hetan perspektivu husi parte hotu hotu inklui sosiedade sivíl sira ne’ebé servisu iha area ne’ebé relevante liu.


Ami hein katak Primeiru Ministru bele konsidera ami nia petisaun ida ne’e ho objetividade no ho vontade ne’ebé diak.

.......................................................................................................................

Last week, on the 12th of July, the Timor-Leste Ministry of Health presented a draft national Family Planning Policy. However, we, members of the public, are concerned that the content of this new draft policy will negatively impact and harm the rights of all people, especially youth, unmarried people, and women living in rural areas.

We, the undersigned, believe that:

  1. Everyone has the right to access family planning, regardless of their age of civil status.
  2. Everyone has the right to freely choose any method of family planning.
  3. Everyone has the right to freely decide whether or not to have children, the timing and spacing of having children, and how many children to have.
  4. Timor-Leste’s Constitution, national laws, and international conventions signed by Timor-Leste, ensure the rights mentioned above:
  • Law 10/2004, Article 3 of the Health System Law: The fundamental goal of this law is to allow access to healthcare for every citizen, regardless of marital status.
  • Articles 16 and 17 of the Timor-Leste Constitution: Guarantees equality of opportunities and treatment, and cannot be discriminated on based on marital status or age.
  • Article 57 of the Timor-Leste Constitution: Everyone has the right to health and medical care, and the duty to protect and promote them.
  • Timor-Leste National Family Planning Policy, 2004: Every individual has the right to decide number and spacing of children they have.
  • Article 12 of the Convention on the Elimination of all forms of Discrimination Against Women (CEDAW): States Parties shall take all appropriate measures to eliminate discrimination against women in the field of health care in order to ensure, on a basis of equality of men and women, access to health care services, including those related to family planning.
  • Article 16.1(e) of CEDAW: States Parties shall ensure that women and men have the same rights to decide freely and responsibly on the number and spacing of their children and to have access to the information, education and means to enable them to exercise these rights.
  • Article 12.1 of the International Covenant on Economic, Social, and Cultural Rights (ICESCR): The States Parties to the present Covenant recognize the right of everyone to the enjoyment of the highest attainable standard of physical and mental health.
  • United Nations Sustainable Development Goals (SDGs): Goal 3: Ensure healthy lives and promote well-being for all at all ages; Goal 5: Achieve gender equality and empower all women and girls; Goal 10: Reduce inequalities within and among countries.

The draft Family Planning Policy that the Ministry of Health recently presented will violate our constitution, our national laws and policies, and international agreements that Timor-Leste has already agreed to follow.

We request that the process of approving this draft Family Planning Policy cannot be rushed. Rather, we ask that the Ministry of Health conducts further and broader consultations on this matter, to include the perspectives of all stakeholders, including civil society organisations working in this area.

We hope that the Prime Minister considers our petition objectively and with good intention.



Today: Grupu Feminista iha Timor is counting on you

Grupu Feminista iha Timor needs your help with “Primeiru Ministru: Pedidu ba Primeiru Ministru Atu Reavalia Polítika Planeamentu Familiár iha Timor-Leste”. Join Grupu Feminista iha Timor and 1,507 supporters today.