SADA MA ROHA TA, DOS MA TAHI TA LAHO PADIRIHON PUNGUAN ALUMNI SMP 4 TRT (THN 2006)

SADA MA ROHA TA, DOS MA TAHI TA LAHO PADIRIHON PUNGUAN ALUMNI SMP 4 TRT (THN 2006)

0 telah menandatangani. Mari kita ke 100.
Dengan 100 tanda tangan, petisi ini akan lebih mungkin ditampilkan di halaman rekomendasi!
Persatuan Alumni SMP N 4 Trtr (Thn 2006) memulai petisi ini kepada PERSATUAN ALUMNI SMP N 4 TARUTUN (THN 2006)

Ulinai Tahe Molo Satahi Saoloan Akka Na Mar Ale-Ale

Dame dibagasan Goarni Tuhan ta Pardenggan Basa ima na mangaramoti dohot mangiring-iring hita saluhutna keluara, lumobi ma hita akka na marsihaholongan  Alumni SMP Negeri 4 Tarutung Tahun Angkatan 2006.

"Pinattikhon ninna hudali,

nisabihon ma sasabi,

atik dia au na pahujolo hupudi,

jumolo au marsattabi,

diparsattabian hi, dang pola au na laho mangajari."

 

"Marmutik do inggir-inggir,

marparbue do anggo tada-tada,

anggo hita saluhut alumni SMP 4 Trt (2006) on nungga  tung malo marpikkir,

alai porlu dope ra hita marsiajar jala dapotan poda."

Horas ma dihamu saluhutna amang, inang, ito, lae, maradu sude ma hita alumni SMP N 4 TRT (2006).

Ia ahu, ima namargoar Martin Panggabean, alumni SMP N 4 Trt (2006) do. Jala kalas 3-1 hian do ahu na ujui, tikki rap hita akka dongan ku saluhut na laho mandodo jala pabagas parbinotoan suang songoni hapistaran di sekolah na tahaholongi ima SMP N 4 tarutung.

Dung nuaeng, lobi hurang ma hita 15 taon naung mardomu sirang dung tammat hita sian sikkola ta na ujui. Tung maccai lungun do roha dibagas na 15 taon on, tung sohea do boi hita pajuppang bohi akka na mar alae-ale. Alai apala dibagas taon 2021 on, marhite naung adong kemajuan ni jaman di pature akka na pistar, dan tagamon so mandok mauliate hita tu Debata, ala nunga boi hita komunikasi jala manukkun barita ni akka dongan marhite naung tupa sada partukkoan na uli na tagoari mai "Group WhatsAap".

Ditikkion, Rap sude do hita umbotosa jala manghilala angka kesulitan na ta adopi di Negara on, lumobi ma ala ni dampak ni sahit ditikkion ima na ro tu tonga-tonga ni portibion, na di goari akka na pistar mai Covid 19 (Corona Virus Disease – 19) na so taboto andigan marujung, dohot kebutuhan pokok na asing dope na laho sisarihonon ta. Alani i pinangido tu sude hita akka na marsihaholongan, asa dos ma nian rohatta mangulahon angka nahombar tu par ale-ale on ta. Asa songon ni dok ni angka sijolo-jolo tubu :” Tampakna do tajomna, Rim ni tahi do gogona”. Ala ni, rikkot nian bahenon ta sada punguan asa adong ippola na hita akka na mar ale-ale.

Sasintongna molo sada punguan ima nadigoari parsadaan sian hasadaon ni akka namarsihaholongan na ikkon patar tarida jala ikkon dijaga dohot denggan, rap mangulahon na denggan, jala ikkon marsipaolo-oloan disude jolma na adong dipunguan i.

Nungnga maccai takkas taboto, anggo jolma diportibion na lam martamba-tamba do godang na. Jala alani kemajuan ni jaman saonari, dohot rikkot ni namangalului akka parkarejoan, gabe mempengaruhi tempat tinggal ni akka jolma. Akka na sahuta gabe padao-dao jala nunga jarang be manghatai manang marsirarian. Marhite i, alani akka panghataion naung humurang, di akka nadeba gabe dibahen be ma sada dalan taringot songon dia ma laho paturehon asa unang mago komunikasi tu akka nanihaholongan na. 

Sian mulana pe manang sian najolo, sude hita naung hea berjuang laho manorushon cita-cita ta dohot masa depan di SMP N 4 Tarutung, sada keluarga do hita saluhutna. Alai sonari ala nungga padao-dao be, songon na huhatahon diginjangi i, tarlumobi ma dihita akka naung tinggal di parjalangan, porlu nian adong sada punguan jala gabe wadah komunikasi na bersifat akka pangajarion, kekeluargaan, jala papatarhon roha namarsihaholongan di ulaon las ni roha manang habot ni roha.

Marnida namasa i, dohot disiala na lam tugodang na nama hita sude na tinggal di bona pasogit suang songoni  naung borhat tu parjalangan, jala nunga adong naung hot ripe/mar rumah tangga, bahkan mungkin nunga adong na tinggal di luar pulau sumatera, maccai rikkot adong komunikasi jala dibahen ma sada tempat manang wadah komunikasi asa sude hita akka namarsihaholongan boi marsitandaan. Wadah komunikasi ima na margoar Group di WhatsApp ( WA ) naung dibentuk manang dipadiri donganta di ari naung salpu na gabe tagoari sahat tu tikkion Group  WhatsApp “ALUMNI 06 SMP N 4 TARUTUNG”. Ima nagabe hajongjong ni punguan on.

Alani ido umbahen na gabe sada roha ta laho papunguhon saluhut akka dongan alumni SMP N 4 Tarutung Tahun angkatan 2006, dohot maksud asa boi nian hita marsitandaan jala boi marsada di punguan on. Jala sude ma hita sepakat bahwa “Persatuan Alumni SPM N 4 Tarutung Tahun Angkatan 2006” on gabe punguan kekeluargaan na bersifat social, tolong menolong, jala unang terikat tu organisasi politik. Jala marhite naung adong punguan on, naeng ma nian adong ippola dohot hapapatarna tu ari nanaeng ro. Dohot maksud, naeng ma adong siulaon ta berdasarkan dan atas nama punguan on. Jala laho mangulahon ulaon i, porlu ma bahenonta sada pedoman kerja (Aturan ni ulaon), na tersusun jala di atur di bagasan Anggaran Dasar dohot Anggaran Rumah Tangga.

Songoni ma jolo hata horas - horas sian au.

 Horas ma dihita sude, jala dipasu-pasu Tuhanta ma hita saluhutna.

Botima.

 

0 telah menandatangani. Mari kita ke 100.
Dengan 100 tanda tangan, petisi ini akan lebih mungkin ditampilkan di halaman rekomendasi!