Haci posibel pa Arubiano (Hulandesnan procedente di Aruba) biba den exterior por vota

Haci posibel pa Arubiano (Hulandesnan procedente di Aruba) biba den exterior por vota

0 have signed. Let’s get to 500!
At 500 signatures, this petition is more likely to be featured in recommendations!
Kinsasha Thielman- van der Bliek started this petition to Parlamento di Aruba

E derecho pa vota ta un derecho ankra den nos Staatsregeling (Art. I.10 y Art. III.5) tambe un derecho ankra den Declaracion Universal di Derechonan Humano(Art. 21.3)

Un persona cu nacionalidad Hulandes y cu ta procedente di Aruba tambe mester tin un voz pa participa y scohe pa e direccion den cual nos pais mester wordo maneha.

Biba den exterior ta expone persona na diferente manera di pensa, technologia,  innovacionan, metodonan di crea sociedadnan sostenibel y cu por kibra e bareranan di mentalidadnan tradicional cu ta crea e dificultadnan cu nos ta encontra den desaroya nos pais cu bista ariba e futuro. 

Pa nos pais por bai tambe for di e fenomeno di 'brain drain' pa e desaroyo di 'brain gain' nos mester por brinda ciudadanonan cu ta bai afo pa desaroya nan mes y tambe duna nos futuro generacionan cu ta migra pa exterior e oportunidad pa crea e futuro di nos pais unda nan lo bolbe bek pa aporta na Aruba su desaroyo. Laga bo pais atras no ta facil y nos generacionan hoben gran mayoria di biaha tin cu bandona nan pais pa por sigi desaroya den nan estudionan den exterior. Y si e deseo ta pa por regresa bo pais bek pa aporta na desaroyo di bo pais cu e experticio cu ta adkeri den exterior bo mester por tin un voz den scohe con e futuro di bo pais lo mustra pa momento cu bo regresa bek pa forma parti di dje un bes mas.

Pa hunto nos por crea un futuro cu nos tur ta mira nos mes aden! 

Ta apela na cada un parlamentario den Parlamento di Aruba pa vota 'PRO' e cambionan constitucional necesario pa asina haci posibel pa Arubiano (Hulandesnan procedente di Aruba) biba den exterior por vota den eleccionan cu ta wordo teni den nos pais Aruba.  

 

0 have signed. Let’s get to 500!
At 500 signatures, this petition is more likely to be featured in recommendations!