Papo, denove donu la benon Urbi et Orbi en la lingvo de senperforto!

0 hanno firmato. Arriviamo a 1.000.


Patro Sankta, ne estas juste ke estas larmoj pli larmoj ol aliaj, nek viroj aŭ landoj kies doloro estas pli granda ĉar ĝi estas pli forta aŭ pli riĉa.
Per la vortoj pri "senkompato" aŭ "ekstermo" kiel respondo al terorismaj atakoj, la mondo riskas fali en la praktiko de "okulon pro okulo, denton pro dento", se ne pli malbone.
Ĉe la lastatempa Pinto-kunveno de Il-Belt Valletta, afrikaj landoj montris hodiaŭ, ke, se naturaj rimedoj estus pagataj je la justa prezo kaj eksterlandaj multnaciaj konzernoj ne eskapus impostojn, ekzistus neniu bezono de evoluhelpo. Impostfraŭdo kaj fraŭda translokigo de rimedoj el Afriko estas taksita je pli ol 60 miliardoj da dolaroj jare. Nur 10% de ĉi tiuj sumoj permesus al Afriko esti sendependa, rezigni pri publika helpo al evoluo kaj plene repagi sian ŝuldon: neniaj ekonomiaj migrantoj aŭ UN-programoj por venki malsaton!
Al la genocido de la korpoj pro malsato aldoniĝis tiu lingva de la mensoj, motivita de la fakto ke "regi la lingvon de popolo proponas gajnojn multe pli grandajn ol forpreni provincojn kaj teritoriojn aŭ dispremi ĝin per ekspluato."
La itala lingvo mem, rekta heredanto de la Latina lingvo kaj lingvo de la Vatikana Urbo, estas mortkondamnita per la nova koloniismo de la mensoj. Niaj kun-koloniigistoj, nevolaj aŭ nekapablaj transdoni la konon en la lingvo de sia propra popolo, malsukcesintaj konkurantoj internacie, senkreditigas universitatojn kaj lernejojn, eldonadon kaj instruadon, italan kaj en la itala, por cedi ilin de facto al la homoj mastroj de la "lingvo de mono". Do la forto kaj riĉeco de tiuj popoloj estas eĉ pligrandigita, ĝis lingva sklavigo de internaciaj kaj eŭropaj organizoj kiuj, siavice, fariĝas instrumentoj de kompleta lingva subpremo ekde la eduko primara; dum la aliaj popoloj de la mondo, eternaj duaranguloj, estas ekskluditaj, sen la rajto esprimi sin, kiel la unuaj, en sia propra lingvo, kaj eĉ nekompensataj pro tio almenaŭ ekonomie. Tial, multaj nacioj, inkluzive la Eŭropajn, ne malproksimas de la kondiĉoj de ekspluatado denuncita de afrikaj landoj.
Tial necesas protekti biodiversecon lingvan, liberecon de parolado en sia lingvo, venkante imperiojn de la menso ĉar ĝi estas la garantio de la libereco de penso kiel libereco de religio.
Ni devas levi kiel eble plej multe la nivelon de la kunveno enpenetriĝante en la neperforton transnacian eĉ per la lingvo kiun oni uzas, donante konkretan ilon kaj super la partioj, de ĉiuj partioj, al tiuj kiuj, kristanaj kaj aliaj, laboras por kompreno kontraŭ malamo, por dialogo kontraŭ subpremado, por justeco kontraŭ privilegio, por refondi la internacian juron de nova universalismo ĉar tio estas justa.
La firma renovigo de la Katolika Eklezio volata de Via Sankteco, la reanimado de kristana kompato, kunigita kun Via firmeco kaj kapablo kompreni kaj aŭskulti al ĉiuj, en ĉi tiuj dramaj tagoj kaj proksime de la malfermo de la jubilea jaro, estus plue fortigataj per mesaĝo en lingvo de senperforto. Reiri al uzado de la internacia lingvo Esperanto kiel unue Johano Paŭlo la Dua faris en 1994, donante ĉi-foje indikojn por antaŭenigo al la mondo kaj ĉefe al katolikaj lernejoj, donus konkretan kontribuon al pli justa mondo geopolitika.
Por certigi pacon, fratecon kaj bonfarton al la homaro la organizo generinta la Unuiĝintajn Naciojn, la Ligo de Nacioj en 1922 unuanime aprobis dum sia tria Ĝenerala Asembleo la raporton pri Esperanto kiel internacia helplingvo, sed la vetoo de Francio - franca tiam estis la interlingvo de la mondo hodiaŭ kiel la angla - malebligis la realigon de tiu projekto.
Se jam en 1922 la tiutempa UN kredis ke la internacia lingvo Esperanto pretas esti adoptita en la mondo, hodiaŭ ĝi estas pli ol iam ajn: 93 jaroj da plia lingva eksperimentado en la mondo; en 1993 ĝi estis agnoskita lingvo de literaturo en la mondo fare de Internacia PEN-Klubo; liturgia lingvo ekde 1990; de 1994 ĝis 2012 ĝi estis unu el la lingvoj en kiuj la papo donis sian benon "Urbi et Orbi" al la katolikoj tra la mondo; ĝi estas la 64-a lingvo de Google-traduko; ĝi estas la lingvo de la Nobel-premiitoj en ekonomiko kiel la germana Reinhard Selten; ĝi estas lingvo de transnacia komunumo ĉeestanta en pli ol 120 landoj ĉirkaŭ la mondo; ĝi estas lingvo por lingva orientiĝo por pli profitodona kaj rapida lernado de fremdaj lingvoj, kiel pruvite de la Universitatoj de Paderborn kaj Berlino en la 1970aj jaroj.
La komuna lingvo de la homaro, dua lingvo de / por ĉiuj, estas komuna celo hodiaŭ nepre necesa kaj por alfronti la ekonomian, socian kaj religian malriĉecon - liberigante ekonomiajn kaj mensajn rimedojn neimageblajn - kaj por provizi novigajn solvojn al kompleksaj temoj: de la sano al la medio, de la konservado de lingva kaj kultura biodiverseco de la planedo al la antaŭenigo de internacia eduko egaleca kaj altkvalita por ĉiuj. Donante al la povo de la dialogo komunan kaj neperfortan hejmon.
Bonvolu la Papo kiu nomis Sin laŭ la sanktulo, kiu parolis al bestoj, inkluzive de sovaĝaj, bonvenigi ĉi nian pledon pacalportan kaj daŭre havigi la benon "Urbi et Orbi" en la internacia lingvo nomata Esperanto kaj apogi la Radikala kampanjo "por la komuna lingvo de la homa speco" en ĉiuj transnaciaj organismoj, unuavice tiuj de la Unuiĝintaj Nacioj.



Oggi: Giorgio Pagano conta su di te

Giorgio Pagano ha bisogno del tuo aiuto con la petizione "Papo Francisko: Papo, denove donu la benon Urbi et Orbi en la lingvo de senperforto!". Unisciti con Giorgio Pagano ed 653 sostenitori più oggi.