SAUVE NOU LAGON, LA SENNE P FINI NOU LA MER !

0 have signed. Let’s get to 10,000!


Tou dimoune ki conne la mer pou dire ou ki pas piker, pas la peche ar 1 golette ki p fini nou lagon mais LA SENNE, surtou la senne illegale.

Bocou d'entre zot pratique la peche cuma ene PASSION, ene activité ki bon pou relaxer, socialiser et pou la santé - en meme temps gagne 1 ti cari !

Nou tou p trouver nou la mer nepli ena poisson, LA SENNE passer toute longue l'année et ban autorité pas prend action (meme kan signale coast guard ena la peche illegal p derouler, zot pas meme kit zot station pou alle verifier). Ban ki fer li legalement aussi, zot tire ban poisson juvenile ki a peine 5cms par tonnes! Autorité pas fer narien pou verifier zot prises ou grosseur mailles. Ban corail p mort partou, vieux la senne zot jett dans la mer kot bocou zanimo aquatic mailler et mort.

NOU p dire gouvernement, Mr Prem Koonjoo:

1) Reduire saison la senne a 2 MOIS (si pas capav BAN completement)

2) Veiller a ce ki ban officier coast guard fer zot travail contre ban braconnier

3)Mette 1 l'ammende RS25,000 contre ban seki servi la senne sans permi ou en dehors saison, saisi zot embarkation et zot materiel. PRISON pou ban Recidiviste.

TOU TI PECHEUR, AMATEUR, PROFESSIONEL MET LA MAIN ENSAM ET SIGNE SA PETITION LA, LI PREND OU ZISS 10 SECONDES ET OU POU AIDER POU SAUVE NOU LA MER, SAUVE NOU PASSION!

S'il vous plait PARTAGE post la pou nou capav gagne maximum support!

 



Today: SAUVE NOU LA MER - SAUVE NOU PASSION is counting on you

SAUVE NOU LA MER - SAUVE NOU PASSION needs your help with “Mr Prem Koonjoo : SAUVE NOU LAGON, LA SENNE P FINI NOU LA MER !”. Join SAUVE NOU LA MER - SAUVE NOU PASSION and 8,883 supporters today.