زي ما عارفين نحن كدفعة و كواضعين للدستور جاتنا فكرة لتغيير حاجات كتيرة في الدساتير السابقة عشان نزيد  كفاءة الدفعة و الأسرة بتاعتها و من بين الأفكار دي كان فكرة الاقتراع التراتبي  و هي طريقة جديدة في الانتخاب بتضمن لينا أنو المرشح البيمسك الامانة أو الرئاسة بيكون فاز بأغلبية (50%+1) من الأصوات ... الطريقة دي بتضمن لينا حاجات كتيرة منها انو ما يفوز مرشح الا و يكون اقنع ببرنامجو وخطة عملو اكتر من نص الدفعة 

آلية عمل الاقتراع التراتبي في ليها كتير فيديوهات في اليوتيوب بتشرحها + الفيديو العملوه ناس اعلام الدستور الرائعين 

https://www.youtube.com/watch?v=8Z2fRPRkWvY

https://www.youtube.com/watch?v=P10PFuBFVL8

https://www.youtube.com/watch?v=oHRPMJmzBBw

دي فيديوهات في اليوتيوب ممكن توقع ليك الفهم + ممكن تشوف الفيديوهات النزلت في قروبات الدفعة ..

حصل نقاش طويل بينا و بين ممثلين الرابطة حول امكانية التطبيق وهم شايفين انو صعب التطبيق او خطأ بسبب حاجات كتيرة منها انو نظام الاقتراع ده "فيهو تلاعب " و غيرو من حجج ممكن تبحثو عنها برضو

https://democracyjournal.org/arguments/ranked-choice-voting-is-not-the-solution/

دي واحدة من المقالات البتنتقد الاقتراع التراتبي و بتطرع محاسنو ومساوءو و اللي ممكن ممثلين الرابطة استندو لبعض الحجج الموجودة في المقالة دي

نحن عايزين منكم شي بسيط و هو تحاولو تقرو المقالات وتشوفو الفيديوهات عشان ما تقولو نحن بنسوقكم لو عايز توقع على العريضة دي ... لو قدرنا نلم 160 توقيع على العريضة دي حيكون في اغلبية من الدفعة موافقة على النظام ده و حيكون عندنا موقف كويس مع الرابطة ان شاء الله عشان نطبقو  ..