Shqipëria ka çmimin më të lartë të karburanteve në rajon me një mesatare që shkon deri në mbi 30% më shtrenjtë nga vendet e tjera. Vetëm përgjatë tre ditëve të fundit, çmimi i naftës është rritur tre herë. nga 193 lek, vajti në 210 lek dhe më ditën e sotme 240 lek. Përveçse kjo manovër e rritjes së çmimeve nga ana e tregëtarëve të karburanteve duket abuzive, nga ana tjetër qeveria nuk ka parashkuar një masë rregullatore për të mbrojtur konsumatorin duke i kërkuar kompanive të karburanteve rritjen e rezervave  dhe rishikimin e çmimit jo më herët se 14 ditë pas ndryshimit të fundit. Pa përmendur rritjen e gazit që rëndon ngrohjen e popullsisë më të varfër, por gjithashtu rritja e karburanteve ka krijuar precedent edhe për artikujt e tjerë të shportës duke lënë të pambrojtur shtresat në nevojë dhe pensionistët. 

Përsa më sipër, i bëjmë thirrje qeverisë dhe i kërkojmë:

-Kontrollin sa më parë të tregut për të shmangur abuzimet.

-Heqjen e disa taksave të karburanteve me qëllim lehtësimin e konsumatorëve

-Subvencionimin e rritjes së çmimeve për produktet e shportës për familjet më në nevojë

Mos plotësimi i kërkesave do pasohet nga reagimet qytetare në protesta