Limyè sou Dosye Quetony Saint-Vil

0 a signé. Allez jusqu'à 100 !


 

Laprès Okap
Deptman Nò D'Ayiti.

Nòt pou tout otorite konsène :

Lè nou konsidere atik 28 manman lwa peyi a ki bay tout ayisyen dwa eksprime opinyon yo jan yo vle, kote yo vle, le yo vle ;

Lè nou konsidere atik 28.1;28.2 ki bay jounalis la plen dwa eksprime opinyon l jan l vle, le l vle,kote l vle;

Lè nou konsidere ke jounalis la dwe egzèse fonksyon l san presyon, san otorizasyon pyes moun ;

Lè nou konsidere ke jounalis la pa dwe pran presyon nan men ankenn otorite pou revele sous li ;

Lè nou konsidere ke l de bon ton pou tout jounalis jwenn sipo otorite yo nan peyi a;

Lè nou konsidere ke jounalis/laprès antan ke 4 em pouvwa pa sipoze trete an paran pov ;

Lè nou konsidere ke jounalis/laprès se yon zouti yo itilize anpil,anpil pou n pa di l endispasab ;

Lè nou konsidere ke jounalis/laprès pa ka femen bouch li pou plizye rezon tankou : lavi chè, blakawout, chomaj, imoralite, dwèt long, elatriye;

Lè nou konsidere ke jounalis/laprès pa konn nui moun, ni fè manti sou moun, ni denigre moun menm lè n konnen yo plen twou nan manch yo epi janm yo chaje koton ;

Lè nou konsidere ke jounalis/laprès pap janm sispann bay vizibilite; nap kontinye travay malgre engratitid ;

Lè nou konsidere ke lajistis pa dwe kontinye vann aux plus offrants ;

Lè nou konsidere ke lajistis pa konn ni blan, ni nwè, ni rich, ni pòv, ni savan, ni inyoran, sa vle di jistis pou tout moun ;

Enben nou menm jounalis, direktè dopinyon, animatè elatriye, mete vwa nou ansanm pou n denonse ak tout fòs kouraj nou, konpòtman otorite lajistis Okap parapò ak plent konfrè/kolaboratè n QUETONY ST-VIL te depoze kont yon gwoup bandi kap simen laterè nan Mònwouj.

Bandi sila yo fin fizye yon sitwayen pezib nan Mònwouj, apre konsta jij depè, Quetony repwodui yon tèks ki te redije, bandi yo deklare se jounalis la kap sal non yo aloske komisè sòtan pakè Okap la ta di yo pa gen dikte yap pran nan men okenn moun ; se vre, endividi san fwa ni lwa sila yo kontinye ap mache libelibè pandan Quetony ak fanmi l nan mawon.

Nou ta renmen konnen pouki sa lajistis poko janm di anyen nan dosye a pou tann dat yo depoze yon plent? Nou aprann ke kriminèl yo enfòme pou konnen si moun yo la paske yo vle fini ak Quetony kout ke kout.
Lajistis peyi nou sa w di nan sa ?

Nan sans sa a nap mande komisè Ferne aji prese prese, pou l degaje l kou mèt janjak sezi dosye a epi fè suivi rapid, rapid paske lajistis pa ka kontinye ap bay bandi kriminèl kouvèti pandan sitwayen pezib ap dòmi nan bwa.

Lajistis, lapolis, delegasyon, depite, senate, majistra nou tout dwe pote lamen fot yon fason pou nou rive mete men nan kolèt vagabon sila yo epi bay moun debyen lape.

Bandi yo fè konnen ke yo te jwenn api ansyen komise a, nou pat vle kwè men lè n tande komisè Ferne di l pa okouran de yon tèl dosye, nou vin konprann tout bon kote konplo mare chen pa jape.

Nou pare pou n pa prezan nan ankenn aktivite otorite pa bo isi toutotan limyè poko fèt sou dosye Quetony St-Vil la. Tout près la moblize : jodi a se Quetony, demen se kapab nenpòt nan nou. Baton k nan men n se ak li nap pare kou.

1) Charles Philippe BERNOVILLE (PROFILE AYITI)
2) Donald METELLUS, Radio STANDARD INTER
3) Edzer MONDELUS,  Radio Intermix!
4) Elianise MIDI, Radio Maxima!
5) Philomé GERVIL (Radio Cap-Inter)
6) Henrilus MORIL, Télévision Ginen.
7) Richard PIERRE,  Kontak inter
8) Davidson ALCIME, Radio Paradis
9) Jacquelin SAINTILUS, Radio Cap-Inter
10) Ketlain Difficile, Planete Radio
11) Geffrard JEAN-CLAUDE, Radio Lumière/Radio Passion FM.
12) Guyno DUVERNÉ (Planète Radio)
13) Hervé DÉLIMA, Radio Pacific
14) Patrix SAINJUSMA, Radio Guinen.
15) AndréIsaacJimmy,RTV
16) Chantal DONESTAIRE CHARLES ( radio 4VEH, Universal )
17) Léonard PIERRE (RTT,radio grâce internationale. Canada)
18) Carly E. ELVOIT ( Radio Télé Africa)
19) Denes VICTOR, Radio Passion FM.



Journalistes Cap-Haïtien compte sur vous aujourd'hui

Journalistes Cap-Haïtien a besoin de votre aide pour sa pétition “Journalistes Cap-Haitïen: Limyè sou Dosye Quetony Saint-Vil”. Rejoignez Journalistes Cap-Haïtien et 41 signataires.