Pu. Ral Hmung Certual Hunphenh U Sih: A Um Cia Mi Kan Certual Kan Hrawh Piak Hna Hlah Seh

��Email Na Ngei Lo Ahcun��:
Min thut ve na duh ko nain email na ngei lo sual ahcun phone number in kahin ipek khawh a si: https://docs.google.com/forms/d/e/1FAIpQLSeSwkRiOE_vDEJ-UFTdSzavOFqt9yfcsr0crLYA4YBk3oqx7Q/viewform

�Petition Kong Theihternak

Chin Ramkulh Sipin nih Pu. Ral Hmung Certual ah Chawdawr Nganmi (Shopping Mall) sak ding a timhtuah lio a si. Zapi hrawmmi a um cia mi hmunhma an kan hrawh piak nak hnga lo caah hitin online min thutnak kan tuah hi a si.

Pu. Ral Hmung Certual ah Cawdawr Nganmi (Shopping Mall) sak ding kan lung a tling lo, timi langhternak caah online in min ipe ve ding in kan in sawm. In online min thutnak ah a tlawm bik minung 500 to 1000 fai hrawng nih kan telpi kho hna seh, tihi kan saduhthah a si caah na kan telpi i share zong in na kan bawm nak lai kan in sawm.

�Certual le Shopping Mall Kong Ah Hmuhning Cheukhat

Chawdawr Nganmi (Shopping Mall) cu a um ciami Pu. Ral Hmung Certual thengte ah siloin hmun dangdang ah sak khawh a si, Hakha khualeng deuh Sipin area chungah Shopping Mall caah hmun an zoh deuh awk asi.

Hi kong he pehtlai in Dr. Biak Cung Lian nih“Lentecelh hi ngandamnak pakhat a si, cucaah mino caah certual tampi kan ngei a rih a herh, kan ngei mi a tlawm tuk rih. A um cia remh le chap siloin hibantuk in Sipin nih timhtuahnak an ngei mi cungah ka lung a tling lo tuk,” tiah a chim.

Pu. Ral Hmung Certual cu Hakha khua lai ah a ummi, zapi hrawmmi certual pakhat a si lawng siloin zapi caah chuah-luh a fawinak hmun pakhat a si i sianghngakchia le mino caah lentecelhnak hmun dawh le hmun rem a si. Cucaah Salai Van Cung Lian nih “hibantuk in kan certual ah shopping mall an sak hnik mi nih hin kan pale nih zeitluk dah sianghngakchia le mino caah saduhthahnak an ngei asiloah an ngei lo, timi a langhter,” tiah a hmuhning a langhter.

Chin Ramkulh Sipin Director hlun Pu Thla Hre nih "Sipin riantuan ning ah cun a um ciami, a lawngmi, minung tlonlennak ah a tthami cerhmun/pangpar dum tibantuk hrawh kha a phung a si loh...keimah pumpak hmuhning ah cun Ral Hmung certual remh i Shopping Mall sak ding ah cun ka lungtling lo,”  tiah The Chin Journal nih interview an tuah lio ah a chim.

Salai Sang Hnin Lian zong nih “nai hrawng ah Thawngpang a lengmi cu Hakha Khuathar Pu Ral Hmung Certual ah Shopping Mall (Chawdawr Nganmi) an sak lai ti a si. Hi thawngpang hun theih cu lung a nuam lo ngai,” tiah The Chinland Post ah tarmi a capar ah a hmuhning a langhter ve.

Zapi hrawmmi kan certual Pu. Ral Hmung Certual hi zapi caah humhim hna u sih. Hi online min thutnak in Pu. Ral Hmun Certual ah Shopping Mall sak ding timhtuahnak cungah kan lungtling lonak langhter cio hna u sih.

�Pu. Ral Hmun Certual Ah Shopping Mall Sak Ding Kong Theih Chih Na Duh Ahcun:
1. Pu. Thla Hre Hmuh Ning: https://www.facebook.com/thechinjournal2017/videos/2328021234175640/?__xts__[0]=68.ARDA_DmLzt9A4zqTm_pkuOWMTPOWLteDSu4F0kMyAN5B50-3nfjeTZD6vE1S7Y4BnwL341r9rbLcw8y3pjW1aK8zxdSrXx66Zulmc9zWcjPtKtaT8O_wEy50WGbr3p934Yxvty_kAhon74uhXHObHiTJVr_3Cg55VphSl3O4YqgbZTP6kZE9X7L_wLbl1yove4VQN-XJcfK4--s-Xfd49RgCw7fcflVfbjO2awyLV3ZBwAAsZ2R-JY_1UwpGwSB6EXZg5UkfE2VfJM2kALpnOC-4iJHmr1i_EslyEDfCjZfKrSl8W5wCKUSyw2kvGzEFn6zBr6ET2dNGO4x1Q0i9QKX1-2EUgdmMRxYU7f8U&__tn__=-R

2. Salai Sang Hnin Lian hmuh ning: https://thechinlandpost.info/hakha-ah-cozah-project-in-thil-tuahmi-kong-ah-ka-hmuhning-ral-hmung-certual-shopping-mall-kong/?fbclid=IwAR0ZVW5BoDnDPhk1Pe9C2jf7dDVUsi8sTly_ls2CitTvMSYf4uTooR8P5eA