RESPEKTE VÈSYON KREYÒL KONSTITISYON 1987 LA.

0 a signé. Prochain objectif : 1 000 !


Nou menm sitwayen ak sitwayèn peyi dAyiti nou santi dwa nou menase lè nou wè vèsyon kreyòl Konstitisyon 1987 la pa aplike.

San di petèt, chwa sa montre nou klè pèp la deyò nèt. Vèsyon kreyòl Konstitisyon sa pa t janm amande e se li menm ki doubout pou defann dwa nou. Konsa anvan tout lòt demach pou dwa nou respekte devan tout vyolasyon k ap fèt nou mande pou aplike vèsyon kreyòl Konstitisyon 1987 nou te vote nan referandòm 29 mas 1987 la. Nou denonse tout vyolasyon Konstitisyon 1987 ki nan lang kreyòl la.

Nou prè pou defann li ak tout fòs nou jous douvan kou entèamerikèn dwa moun.

An nou potekole pou defann vèsyon kreyòl Konstitisyon 1987 nou an ak anpil enèji makonnen ak detèminasyon.

Pèp Ayisyen nap pran responsablite n devan listwa nan defann jouk nan bout pou fè aplike vèsyon kreyòl Konstitisyon 1987 la.

Tout sitwayèn ak sitwayen ki dakò batay sa se batay pou pèmèt demokrasi an pran rasin tout bon kote tout kouch sosyal yo gen plas yo potekole nan siyen petisyon sa pou defann dwa nou.

SIYATI

Hancy PIERRE
Wilson JABOUIN
Marcel Poinsard MONDÉSIR
Jérôme Paul Eddy LACOSTE
Léo D.Pizo BIEN AIMÉ
Stéphanie MICHEL
Jose DORSAINVIL
Wilson JEAN-BAPTISTE
Berthony PIERRE LOUIS
Guy-Gérald MÉNARD
Marie Agathe AMBROISE
Johanne ELIMA
Marie Line DERRY
Jemina PETIT-HOMME
Fabienne ANTY
Fritz-son LALANE
Ted ST-DIC
Marie Claudèce JOSEPH
Célimond Célusmé