Akinan na Aruba nos pueblo a uni y a traha duro pa combati e pandemia di COVID-19 y nos a logra libra nos pais di e virus aki. Pero awo mirando nos situacion economico nos gobierno ta sinti cu e ta necesario pa habri frontera cu e pais for di unda hopi di nos turistanan ta bin. Pa bienestar di nos pueblo esaki no mag di pasa.

Merca a bira e epicentro di e virus cu casi 3 millon caso di COVID-19, 132 mil morto y na e momentonan aki nan ta mirando un average di 50 mil caso nobo pa dia! 

Nos tur a mira con e gobierno di Merca a trata e virus aki. Y nos ta mirando e consecuencia. E virus aki no ta un chansa y e no ta discrimina. Nos tin un obligacion pa proteha esnan di nos pueblo cu ta core e risico mas grandi. E realidad ta cu nos economia ta draai rond di turismo y sin turismo, Aruba no tin placa. Pero nos no mester pone nos ciudadanonan den peliger di un virus pa salba e economia. Ta bay tin turista di otro luga manera Canada y paisnan na Europa. Nos no mester steun solamente riba Merca. 

Nos no por pone prijs riba bida di hende.

Please. Si bo ta di acuerdo, firma e peticion y share e cu otronan.