أيمن موسى اتمسك يوم ٦ أكتوبر من رمسيس عند مظاهرة واتحط في قضية تجمهر فيها ٦٨ فرد. القضية اتحالت للجنايات عشان يتحكم عليهم كلهم ​​ب 15 سنة سجن مشدد و خمس سنين مراقبة

بعد سنة و نص من الحكم النقض اترفض للقضية كلها ، و بقى حكم ال 15 سنة حكم نهائي بات غير قابل للطعن عليه

عدد كبير من أفراد القضية خرج بالفعل ف السنين اللى بعدها في فترة لجنة العفو الرئاسي من 2016 لحد 2018 في قوايم عفو متتالية أغلبهم من الطلبة اللى كان أيمن منهم لكن نصيبه مجاش من ضمن الأسامى اللى ميفرقش عنها أي حاجة الا الصدفة، و من بعدها و القضية اتقفلت و مبقاش بيطلع منها حد عفو تانى

يوم ٦ أكتوبر الجاي أيمن هيكمل ١٠ سنين، يعني تلتين المدة المحكوم عليه بيها اللى هي ١٥ سنة

القانون بيسمح بالافراج الشرطى عن المسجون اللى بيكمل تلتين مدة حكمه و ده المخرج القانوني التانى الوحيد جنب العفورئاسى

بنتمنى صوتنا يوصل للمسئولين ويتعاد النظر ف قضية أيمن. كل اللي أسرة أيمن بترجوه بعد لجوءهم لكل القنوات الرسمية اللي حددتها الدولة إن المسئولين يتكلموا معاه بنفسهم ويشوفوا دماغه ويتأكدوا إنه شخص مسالم وعادي مفيش منه أي خطر ومش عايز غير يرجع لحياته وأسرته. ادوله دقايق من وقتكوا وكلموه، شوفوا انطباعكوا هيكون ايه. في ايه ف الرجاء ده حد يختلف عليه؟
بنتمنى أيمن يكون وسطنا العيد الجاي بعفو رئاسي، أملنا كبير ف إن الأمر يتشاف وياخد فرصة المرادي.

ساعدونا نوصل صوتنا عشان حرية أيمن، الطالب المجتهد، و الرياضى العظيم، و اللى اتبهدل واتظلم فوق الوصف، اللى اتحبس عنده ١٩ سنة ودلوقتى بيتم ال٣٠، وأحسن سنين حياته ضاعت بلا ذنب

اقروا أكتر عن أيمن ، و انشروا ، محدش يعرف ، مش يمكن المعجزة تكون بكره

# الحرية_لأيمن_موسى # عفو_رئاسى_لأيمن_موسى #١٠_سنين_كفاية

Ayman Moussa was arrested in Ramsis on October 6th, 2013, and was added to a political case charged with "Unlawful Assembly." The case included 68 individuals who were randomly arrested from the march or the streets that day, and were all later sentenced to 15 years of imprisonment in a maximum security facility.

A year and a half later, the final appeal of the case was rejected, making their sentence final.

A large number of individuals from the case were actually released in later years through presidential pardons specifically created for political prisoners between 2016 and 2018. Most of those who were pardoned were students. The selection process was completely random, and Ayman was no different from anyone who was released. After a certain number of releases, the authorities closed the case and turned to other cases, and no one from the case was released again.

On October 6th, 2023, Ayman will have completed 10 years in prison, which is two-thirds of his 15-year sentence.

Egyptian law allows for a two-thirds-sentence pardon for convicted prisoners, and this is the only other alternative, apart from a full presidential pardon, for any hope of Ayman seeing the light of day again.

We hope Ayman will be among us next Eid with a presidential pardon. We have high hopes that the matter will be resolved. 

Join us in raising awareness of Ayman Moussa's case and his release. Ayman is an outstanding student, great athlete, and has endured unimaginable injustice. He was imprisoned at the age of 19 and is now turning 30, with his best years wasted behind bars for no crime whatsoever.

Read more about Ayman and help us get our voices heard to free him. Who knows? Maybe our miracle is right around the corner.

#FreeAymanMoussa #PardonForAymanMoussa # TenYearsIsEnough