HASAI ADMINISTRADÓR MUNISÍPIU LAÚTEM

0 telah menandatangani. Mari kita ke 200.


MOVIMENTU SOSIAL MUNISÍPIU LAÚTEM (MSML)
Nó. Telefone: +670 76 744944

Esmu. Senhor
Konsellu Administrasaun P.N
Asuntu : Karta Petisaun
Att. Esmu. : Konsellu Administrasaun Parlamentu Nasionál
C/c- Dr. :
1. Presidente Parlamentu Nasionál
2. Bankada Parlamentár 
3. Komisaun Parlamentár
Exelénsia Sira:
Ho respeitu;
Liu husi karta petisaun ida ne’e, Movimentu Sosial Munisípiu Laútem (MSML), ho naran Povu, Veteranu, Organizasaun Rezisténsia, Estudante, Universitáriu, Juventude no Sosiedade Sivíl, Munisípiu Laútem tomak, ezije no husu ho konsiderasaun tomak bá atuál Presidente Parlamentu Nasionál V Lejizlatura, Exelénsia Sr. Arão Noe atu hamutuk ho distintu deputadu sira iha bankada hotu-hotu hodi liu husi plenária Parlamentu Nasional foti rezolusaun ida hodi suspende kargu polítika Administradór Munisípiu Laútem, Sr. Zeferino Dos Santos Cequeira, hodi nune’e bele loke dalan deliberasaun abertu ba Povu Munisípiu Laútem tomak atu deside no hili rasik nia Administradór sem liu husi Nomeasaun Polítika governo ne'ebé konsagra iha Dekretu-Lei n.° 3/2016.
Razaun fundamental husi petisaun ida ne’e maka, Povu, Veteranu, Organizasaun Rezisténsia, Estudante, Universitáriu, Juventude no Sosiedade Sivíl, Munisípiu Laútem tomak laiha ona fiar ba Administradór Munisípiu Laútem, Sr. Zeferino Dos Santos Cequeira, tanba la hala’o knaar lolos tuir prinsípiu administrasaun munisípiu nian ne'ebé hatur iha Dekretu-Lei n.° 3/2016, artigu 5, no la hala’o mos nia misaun tuir artigu 6, Dekretu-Lei n.° 3/2016.
Hanesan ita hotu hatene, durante mandatu Administradór Munisípiu Laútem, Sr. Zeferino Dos Santos Cequeira, la hala’o knaar tuir konsagrasaun sira hanesan, iha konsagrasaun Dekretu-Lei n.° 3/2016, artigu 5 hateten;
1. Administrasaun no Autoridade Munisipál sira regula liu hosi prinsípiu hirak tuir mai: Prinsípiu legalidade; Prinsípiu espesialidade; Prinsípiu prossekusaun interesse públiku; Prinsípiu boa administrasaun; Prinsípiu transparénsia; Prinsípiu deskonsentrasaun Administrativu; Prinsípiu igualdade; Prinsípiu respeitu ba direitu hirak subjetivu no interesse hirak lejítimu hosi administradór sira; Prinsípiu proporsionál-idade; Prinsípiu justisa; Prinsípiu imparsialidade; Prinsípiu partisipasaun hosi interesadu sira; Prinsípiu boa-fé; Prinsípiu desizaun; Prinsípiu uza lian ofisial sira; Prinsípiu responsabilidade; Prinsípiu prestasaun kontas; Prinsípiu koerénsia; Prinsípiu efisiénsia.
2. Administrasaun Munisipál no Autoridade Munisipál sira estimula inisiativa lokal no partisipasaun hosi populasaun sira iha solusiona problema lokal sira.
3. Relasaun entre órgaun Administrasaun Sentral no Administrasaun Munisipál sira -ka Autoridade Munisipál sira - bele hala’o hodi kumpre prinsípiu unidade, ierarkia no koordenasaun inter-orgánika.
Enkuantu, iha Artigu 3, define nia misaun katak, Administrasaun Munisipál no Autoridade Munisipál sira nia misaun maka atu asegura hala’o funsaun Administrativu Estadu nian liu hosi ezekuta polítika no programa sira Governu nian iha nível lokal, hodi bele promove no orienta dezenvolvimentu ekonómiku-sosial no liu hosi prestasaun bein no servisu públiku sira iha munisípiu sira, iha área hirak hanesan tuir mai: Edukasaun; Saúde; Seguransa Alimentár; Obras Públika no Transporte; We, Saneamentu Báziku no Ambiente; Agrikultura; Jestaun ba Merkadu sira no turizmu; Asaun Sosial; Protesaun Sivíl; Jestaun ba Dezastre Natural sira; Rejistu, Notariadu no Servisu Kadastral sira; Apoiu ba organizasaun la’ós-governamental sira no ba organizasaun Komunitária sira.
Hahún ba ida ne’e, Movimentu Sosial Munisípiu Laútem (MSML), ho naran Povu, Veteranu, Organizasaun Rezisténsia, Estudante, Universitáriu, Juventude no Sosiedade Sivíl, Munisípiu Laútem tomak, hato’o nia ezijénsia bazeia ba informasaun hirak ne'ebé aneksa iha Petisaun, hodi iha tempu badak, Parlamentu Nasional bele foti rezolusaun ida urjente no imediata, ho objetivu atu hadi’a fraude sira ne'ebé komete husi Administradór Munisípiu Laútem, Sr. Zeferino Dos Santos Cequeira. Asaun manifestasaun ho forma petisaun ida ne’e, tuir duni direitu Konstitusionál, iha ne'ebé hateten katak, sidadaun hotu-hotu iha direitu atu aprezenta petisaun, kesar no reklamasaun, mesak-mesak eh iha grupo, bá órgaun soberania sira, no ba autoridade sira seluk atu defende ema hotu nia direitu hodi buka lia los no justisa, konforme Konstituisaun RDTL artigu 48 konsagra, ho direitu bá hato’o petisaun mak Movimentu Sosial Munisípiu Laútem (MSML), ho naran Povu, Veteranu, Organizasaun Rezisténsia, Estudante, Universitáriu, Juventude no Sosiedade Sivíl, Munisípiu Laútem tomak lori misaun prinsipal ida hodi luta ba kombate diskriminasaun sosial, korrupsaun no esplorasaun ema bá ema afirma-an hodi hato’o denunsia bá Parlamentu Nasionál hanesan na’in lejizladór atu hamosu rezolusaun ida ka foti medida ida liu husi Konsellu Ministru no Ministériu Estatal ne’ebé hanesan na’in ba ezekusaun polítika governativa hodi hamosu suspensaun ba kargu Polítika, atuál Administradór Munisípiu Laútem, Sr. Zeferino Dos Santos Cequeira, no loke deliberasaun abertu hodi Povu munisípiu Laútem deside no hili rasik nia Administradór tuir situasaun no kondisaun ne'ebé povu Laútem hasoru.
Ikus liu atu hateten katak, Movimentu Sosial Munisípiu Laútem (MSML), ho naran Povu, Veteranu, Organizasaun Rezisténsia, Estudante, Universitáriu, Juventude no Sosiedade Sivíl, Munisípiu Laútem tomak mós nafatin prontu atu akontese deliberasaun abertu iha tempu badak konforme desizaun polítika ne'ebé iha. Atu hateten mos katak, se bainhira la akontese deliberasaun abertu iha tempu badak, mak sei akontese manifestasaun ho forma demonstrasaun hasoru Administrasaun Munisípiu Laútem. 

Mak ne’e de’it bá kolaborasaun no konsiderasaun karik iha, ami hato’o Obrigadu Wain. 
Laútem,_____/ Setembru / 2019
Porta Voz MSML: