Revise protocol DVG masks children under 12

Victory

Revise protocol DVG masks children under 12

This petition made change with 945 supporters!
Started
Petition to
Directie Volksgezondheid Aruba and

Why this petition matters

Started by Jane Wever

Apreciabel DVG/Crisisteam Aruba, 

Pa medio di e carta aki, nos mayornan/voogdnan di alumnonan di Colegio Conrado Coronel, kier a pidi un revision tocante e protocolnan nobo pa cu muchanan bou di 12 aňa cu ta encera cu e muchanan mester bin scol cu tapaboca bisti.

Obviamente nos tur kier minimalisa tur contagio di Covid-19, pero nos tin dudas cu e protocol aki tin un base cientifico y kisas no ta efectivo.

A bishita diferente fuentenan riba internet pa cu esaki: 

World Health Organisation (WHO)
Government of the Netherlands
The European Centre for Disease Prevention & Control 

Tur ta di opinion cu e bistimento di un tapaboca pa muchanan bou di 12 aña, no mester ta obligatorio y cu mester tene cuenta cu otro factornan cu tin influencia riba e bienestar di e mucha.

WHO ta informa cu e impacto psychosocial y cognitivo riba e mucha su desaroyo door di bisti un tapaboca, mester wordo consulta cu maestronan, mayornan/voogdnan y/of expertonan medico. 

Gobierno di Hulanda ta informa cu muchanan bou di 12 aňa no ta rekeri pa ley pa bisti tapaboca. 

European Centre for Disease Prevention & Control (ECDC) ta indica cu muchanan bou di 12 aña tin un tolerancia mas abou pa bisti tapaboca pa periodonan largo y kisas no lo bisti tapaboca corecto. Ademas ta stroba un mucha pa expresa su mes nonverbal cu ta necesario ainda pa e grupo di muchanan den e edad aki. ECDC ta indica cu distanciamento social, etiketa respiratorio, higiena di labamento di man y keda cas ora mucha ta malo ta medidananan importante independientemente di e uzo di tapaboca. 

Nos ta di opinion cu e protocolnan aki a wordo implementa sin consultacion cu e maestronan y mas importante sin consultacion di mayornan/voogdnan. Ademas nos kier mira e base cientifico cu bistimento di tapaboca pa muchanan di menos di 12 aña ta efectivo.  

Sperando cu pronto lo por tin un revision di e protocol aki of un reunion pa stakeholdernan (maestronan/mayornan/cabesantenan) por vocifera nos inkietudnan. 

Masha danki di antemano

Mayornan di Colegio Conrado Coronel. 

Fuentenan:

https://www.who.int/news-room/questions-and-answers/item/q-a-children-and-masks-related-to-covid-19

https://www.government.nl/topics/coronavirus-covid-19/face-masks-mandatory-in-several-places

https://www.ecdc.europa.eu/en/covid-19/questions-answers/questions-answers-school-transmission

Victory

This petition made change with 945 supporters!

Share this petition