Á Íslandi eru kynferðisbrotamál í lamasessi í dómskerfinu. En er það skrítið þegar við erum með aðila eins og Helga Magnús Gunnarsson sem Vararíkissaksóknara? 

Aðila sem opinberlega, í fjöldamörg skipti, lækar og deilir færslum sem smætta og smána þolendur kynferðisofbeldis/ofbeldis og kallar samstarfskonu sína "Kerlingartussu" í vitna viðurvist á vinnustað þeirra beggja og líkir henni við vændiskonu. 

Af öllum þeim aragrúa reynslumikilla og hæfra lögmanna sem fyrirfinnast á Íslandi er þessi aðili sá besti í starfið? Er þetta virkilega hæfasti aðilinn í starfið? Af öllum þeim mannauð sem býr og starfar á Íslandi? 

Siðareglur ákærenda:

Ákærendur skulu haga störfum sínum og framkomu þannig að hlutleysi ákæruvaldsins verði ekki dregið í efa.

Ákærendur skulu meta álitaefni og taka ákvarðanir af fordómaleysi og án fyrirfram gefinna skoðana. Ákærendur skulu umgangast aðra án fordóma af nokkru tagi og sýna jafnt brotaþolum, vitnum, sakborningum, ákærðum og dómfelldum, sem og öðrum, tillitssemi og virðingu.

Ákærendur skulu gæta þess í framkomu sinni og framgöngu að rýra ekki traust og trú almennings á hlutleysi ákæruvaldsins og skulu leggja sig fram um að framkoma þeirra á opinberum vettvangi sé tilhlýðileg og í samræmi við stöðu þeirra.