Við undirrituð skorum á íslensk stjórnvöld að veita Ghafran Ninal, Ahmad Flahan og ungri dóttur þeirra Elan Flahan hæli á Íslandi. Yfir þeim vofir nú brottvísun til Grikklands þar sem þau óttast um framtíð sína. 

Þessi litla fjölskylda flúði lífshættulegar aðstæður á Sýrlandi til Grikklands fyrir þremur árum. Þar mætti þeim örbirgð, en aðstæður flóttamanna á Grikklandi hafa farið hríðversnandi undanfarin ár og nú á tímum Covid ríkir þar mikil neyð meðal flóttafólks. Á Grikklandi missti fjölskyldan húsnæði sitt og sá fram á að geta ekki alið dóttur sína upp við öruggar aðstæður. Rauði krossinn á Íslandi hefur ítrekað áréttað þá afstöðu sína að ekki sé forsvaranlegt að senda flóttafólk til Grikklands. 

Við skorum á íslensk stjórnvöld að fylgja Barnasáttmála Sameinuðu þjóðanna sem kveður á um að hafa skuli hagsmuni barnsins í forgangi í allri ákvarðanatöku sem það varðar. Það er ljóst að foreldrar Elan geta ekki tryggt henni heimili, öryggi og þroskavænlegar aðstæður á götum Grikklands. Samkvæmt Barnasáttmálanum eiga öll börn sem flýja þurfa heimaland sitt rétt á vernd og stuðningi við að nýta sér öll þau réttindi sem þau hafa í nýja landinu.

Á Íslandi hefur Ghafran stundað íslenskunám af miklum dugnaði en Ahmad tók að sér að sinna Elan, litlu dóttur þeirra, á meðan þar sem hún er ekki á leikskóla ennþá. Ahmad starfaði sem málari í Sýrlandi og óskar þess heitast að geta unnið fyrir fjölskyldunni sinni. 

Veitum þeim tækifæri til að byggja upp líf sitt að nýju.