Petition Closed

Por primeira vez a UdC terá que pagar o IBI mentres a Igrexa Católica está exenta!

 

Letter to
Concello da Coruña
O Concello da Coruña decide cobrarlle o IBI á UdC por primeira vez desde a súa creación no ano 1989. O Goberno municipal ten a opción de conxelárllelo ou non cobrárllelo ás institucións educativas, mais este ano decidiu cobrarllo á Universidade mentres mantén exentos aos centros educativos da Igrexa.

Atopámonos pois cun novo ataque ao ensino público coa única intención de afogar economicamente esta institución e así encetar mellor o proceso de privatización iniciado xa polo PP desde o Goberno do Estado e co consentimento da Xunta de Galiza. Por outra banda, vemos como o Concello da Coruña deixará de ingresar un millón de euros por non cobrarlle o IBI á Autoridade Portuaria que, en 2011, obtivo beneficios millonarios. Isto é unha mostra máis de como o PP no Goberno municipal busca facerlle favores ás/aos amigas/os millonarias/os e afogar os servizos públicos fundamentais, como a Universidade.

Denunciamos esta situación e solicitamos que non se lle cobre o IBI á Universidade ao mesmo tempo que esiximos que se lle cobre á Igrexa Católica pois é a principal patronal educativa e polo tanto é unha das principais interesadas na privatización do ensino para consolidar o seu poder e influencia, así como o adoutrinamento relixioso a través das aulas.