Pidimos colocar una bandera de Xamaica en plenu centru d'Uviéu porque creemos que nos une a tolos asturianos y uvieínos, y amás ello ayuda a mantener vivu l'espíritu del Día d'América n'Asturies y la plena universalidá carbayona y asturiana.

Arriendes d'ello, Xamaica ye la patria de Bob Marley un autor universal que nunca pudo nin podrá llegar ganar un Premiu Princesa d'Asturies, y la grandeza d'Uviéu ta, precisamente, en que nunca escaecemos a los grandes, y Bob foi ún d'ellos.

Per otra banda, colocar una bandera Xamaicana de 54 metros pondría a Uviéu na vanguardia del movimiento reggae y rasta n'Europa, polo menos n'España, y yá podríamos presumir non solo de la nuesa temporada d'ópera inigualable, sinon de ser un puntal del "skank" y del afro.

Una gran bandera xamaiquina nel Centru d'Uviéu sería un gran atractivu que trairía turistas a la nuesa ciudá de tol mundo, porque banderes d'España ta estráu d'elles per tola península, pero de Xamaica, non. Amás los xamaicanos son xente prestoso, nun ofienden a naide, a naide nun-y caen mal.

Creemos firmemente nel sentíu común y del deber del alcalde, que ye un home de principios que se debe al cargu, y por eso, como persona razonable de talante y sencía pidimos recapacite y coloque esa bandera xamaiquina de 54 m que fairá a tolos carbayones y asturianos un poco más universales.